‘Kwarantyn’: Pam is aangespreek oor m-woord, sê kykNET

Pamela ‘Pam’ Okkers. (Foto: kykNET)

Kykers van die kykNET-werklikheidsreeks Kwarantyn het hulle na sosiale media gewend om antwoorde te eis oor Pamela ‘Pam’ Okkers (53), ʼn deelnemer van die Scheepers-gesin, wat glo twee keer die m-woord gesê het tydens die program.

Dit volg nadat Jana le Roux (49), ma van die Le Roux-gesin wat teen die Scheepers-gesin meeding, Vrydagaand gediskwalifiseer is toe sy Donderdag die k-woord kwytgeraak het tydens ʼn speletjie op die program.

Okkers het glo twee keer voor die k-woord-voorval vir een van die jonger deelnemers in haar span gesê: “Hei jou m**d.”

Le Roux het ʼn herrie ontketen op sosiale media toe sy na ʼn k*****pak verwys het. Intussen krap kykers op sosiale media kop oor waarom Okkers nie dieselfde straf as Le Roux gekry het nie.

Volgens Karen Meiring, direkteur van M-Net vir kykNET-kanale, was Okkers se taalgebruik binne die kulturele konteks nie rassisties nie.

“Die woord het nie dieselfde betekenis en konnotasies vir verskillende groeperinge binne Afrikaanse taalgemeenskappe nie,” sê Meiring. “Ons betwyfel nie dat die woord wat deur Pamela gebruik beledigend en rassisties is én dat dit aanstoot kan gee nie, maar die konteks van die insidente verskil. Pamela se taalgebruik, gemik op die jonger vroue in hul span was beledigend, maar binne die kulturele konteks nie rassisties nie. Die deelnemer is baie streng oor hierdie taalgebruik aangespreek.”

Suzaan Keyter, bemarkingsbestuurder vir kykNET, het intussen bevestig dat al die deelnemers se stemlyne oor die naweek gesluit is nadat Le Roux die huis verlaat het. “Dit vorm deel van die program se bepalings en voorwaardes. Gerugte dat net sekere van die families se stemlyne gesluit is, is nie akkuraat nie,” sê Keyter.

Kwarantyn word 24 uur per dag regstreeks op DStv-kanaal 149 uitgesaai. Twee uitgebreide Afrikaanse gesinne, wat mekaar van geen kant af ken nie, ding in die program teen mekaar mee om as die gewildste gesin onder kykers gekroon te word en ʼn kontantprys van R250 000 los te slaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Trotse Boervrou

Dubbele standaarde en klaar! Wonder of jul self die twak verskonings glo wat jul uitdink. Julle bankrekening gaan die gevolge dra van jul belaglike politiek-korrekte speletjies. Absoluut pateties.

Natasha

Duidlik het Kyknet reeds besluit wie wen!
Was dit Le Roux wat dit gese het was sy ook gediskwalifiseer vir rassisme.

Marieta

Dit is nou al die soveelste keer wat dstv en kyknet so diskrimineer met hul onregverdige aksies, en tog hou blanke Suid-Afrikaners aan om hul te ondersteun. My ma het altyd gesê die wat nie wil hoor nie, moet voel. Nie eers n donkie stamp sy kop 2 keer teen dieselfde klip nie. Natuurlik sal dstv en kie net meer toenemend diskrimineer. Want hulle sal eers voel, as ons almal saamstaan en ons subskripsie stop. Gee hulle SPUR medisyne. Dit is nogals baie effektief vir diskriminasie siekte!

Mallie

Vader wee die mense wat die liefde nie het nie. Swets is swets. Die K-woord kan enige iets wees. Byvoorbeeld kan dit na Indiers ook verwys, maar hulle skop nie n herrie daaroor op nie. Word groot asseblief.

Scalla

Ons moet dstv boikot deur dit te stop as hul nie gaan optree nie en dus dubbel standaarde het, kyk in elk geval nie die sepie nie