Ná twee merkwaardige skofte in die Dakar-veldtydren – waarin hulle tweede en derde klaargemaak het – het Suid-Afrika se Henk Lategan en Brett Cummings vandag die wind van voor in die vyfde skof gekry.
Hulle Toyota Hilux het vroeg in die skof gerol en Lategan het sy sleutelbeen gebreek. Hy is per helikopter na mediese personeel vervoer, terwyl Cummings geen beserings opgedoen het nie.
Lategan-hulle het die algehele vyfde plek op die algehele punteleer beklee en die Toyota Gazoo-spanbaas, Glyn Hall, was in sy noppies met die groentjies se vertoning.
“Henk en Brett het ’n ongelooflike dag agter die blad. Om sneltrajek-voorlopers in jou eerste Dakar-tydren te wees, sit nie in enigeen se broek nie en hulle het wonderlike vernuf agter die stuur getoon,” het Hall vroeër die week gesê.
- Algehele punteleer soos ná die vierde skof:
Stephane Peterhansel/Edouard Boulanger (Mini) 13:15:12
Nasser al-Attiyah/Matthieu Baumel (Toyota) +4:58
Carlos Sainz/Lucas Cruz (Mini) +36:19
Sebastien Loeb/Daniel Elena (Brx) +48:14
Henk Lategan/Brett Cummings (Toyota) +48:44
Jakub Przygonski/Timo Gottschalk (Toyota) +49:16
Mathieu Serradori/Fabian Lurquin (Century) +51:58
Sheikh Khalid Al Qassimi/Xavier Panseri (Peugeot) +59:19
Martin Prokop/Viktor Chytka (Ford) +1:08:51
???? 4th in the GC this morning, @henk_lategan suffered a spectacular accident at the beginning of the special. He has fractured his collarbone and has been airlifted to Riyadh. His co-driver @BrettCummings83 was unharmed. ????#Dakar2021 pic.twitter.com/F1o9BSlaIK
— DAKAR RALLY (@dakar) January 7, 2021
TOYOTA GAZOO Racing’s Henk Lategan and Brett Cummings (No. 332) suffered an accident 19 kilometres into Stage 5. Brett has no injuries but Henk suffered shoulder injuries. The crew were airlifted to the start of the stage and have undergone checks by medical staff. pic.twitter.com/IcqHQ2vyzS
— Toyota Gazoo Racing South Africa (@TGRSouthAfrica) January 7, 2021