ʼn Fietsryer is Donderdagmiddag kritiek beseer nadat ʼn motor hom aan die KwaZulu-Natalse suidkus getref het.
“Die man het ʼn paar meter van sy fiets af gelê toe paramedici by die toneel opgedaag het,” het Chris Botha, woordvoerder vir Netcare 911, gesê. “Hy is na ʼn hospitaal geneem vir verdere behandeling.”
Die oorsaak van die ongeluk is nog nie bekend nie. Die polisie sal verdere ondersoek instel.