KZN-man brand erg by substasie

’n Man het Donderdag ernstige brandwonde opgedoen by ’n substasie in Edendale, Pietermaritzburg.

Luyanda Majija, woordvoerder van ER24, sê die 34-jarige man is aangetref waar hy naby die substasie in Widfordweg gelê het.

Die brandwonde oor meer as 70% van sy lyf is op die toneel behandel voor hy na ’n hospitaal geneem is.

“Dit is onduidelik hoe die man die brandwonde opgedoen het maar hy het aan paramedici gesê hy het binne die kragstasie gewoon.”