KZN-strande gesluit, haainette verwyder oor loondispuut

Argieffoto

Die Stad uMhlathuze het sy inwoners in KwaZulu-Natal gewaarsku dat hulle van strande in Richardsbaai en Mtunzini moet wegbly, nadat haainette verwyder is.

“Die Stad het korrespondensie van die haaieraad in KwaZulu-Natal ontvang dat ʼn arbeidsdispuut voortduur en haainette is aan ons kus verwyder,” het die munisipaliteit in ʼn verklaring gesê. “Ons maan strandgangers, swemmers en branderplankryers om nie die strande te betree totdat ons weer kan bevestig dat dit veilig is nie.”

Die Zululand Observer berig die dispuut hou verband met ʼn loonooreenkoms en rooi vlae wapper op die strande in KwaZulu-Natal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Fire hulle

Haainette doelbewus verwyder = poging tot moord ?

Lana

Ek dink dis belaglik. Alkandstrand is die enigste strand waar jy kan swem in Richardsbaai. Ons kinders is elke naweek en vakansie met hulle borde in die see. Met die warm weer waar swem jy? Sleg vir toerisme en wonder of ons nog hier moet bly?

CZ

Cherokee.. stem saam met jou !!!

Koos

Mtunzini het vir dekades nie haainette of lewensredders gehad nie, so waaroor die bohaai? Dis baie gevaarliker op ons paaie as om by strande sonder nette te swem.

Sê net

Ek wonder of ons in dieselfde Richards Baai bly?
Durban het ñ strand gehad of laas toe ek daar was.