Laat boewe harde arbeid doen – Ramaphosa

Precious Ramabulana (Foto: Facebook)

Pres. Cyril Ramaphosa sê diegene wat hulle skuldig maak aan geweld teen vroue en kinders moet harde arbeid verrig in gevangenisskap.

“Dit moenie lekker wees vir misdadigers in die tronk nie. Hulle moet harde arbeid verrig. Verkragters, moordenaars en aanranders moet besef hulle doen verskriklike dinge aan die samelewing,” het die president gesê ná afloop van ʼn besoek aan die familie van die student Precious Ramabulana (21), wat in Mokomene in Limpopo vermoor is.

Die VF Plus het dié uitsprake verwelkom, terwyl die DA gesê het dit druis in teen die Grondwet.

“Die VF Plus steun nog altyd die idee van dwangarbeid vir gevangenes, veral dié wat aan ernstiger misdade skuldig bevind is,” sê dr. Pieter Groenewald, VF Plus-leier.

Groenewald sê die VF Plus sal wil sien dat nie net mense wat geweld teen vroue en kinders pleeg nie, maar alle geharde misdadigers wat ernstige oortredings begaan, soos moord, verkragting en gewapende roof, nie in die tronk is om die lewe daar te geniet nie. “Hulle moet harde arbeid verrig soos om onder meer hul eie kos te produseer sodat die belastingbetaler nie boonop hoef te betaal vir duisende gewetenlose misdadigers se sorgelose verblyf in ʼn gevangenis nie.”

Hy sê ander voorsorgmaatreëls soos ʼn volledige register vir seksoortreders is wel belangrik, maar nog belangriker is dat ʼn gevangenis weer ʼn plek word wat vrees inboesem en waar ware rehabilitasie kan plaasvind.

“Dit gebeur te veel dat mense wat ernstige misdade pleeg, dieselfde misdaad net weer pleeg kort nadat hulle vrygelaat is. Dit wek ten regte die indruk dat ʼn gevangenisstraf geen doel dien as afskrikmiddel nie.”

Volgens Groenewald is die misdaadsyfer in Suid-Afrika onaanvaarbaar hoog en veral die hoë voorkoms van ernstige geweldsmisdade wek die indruk dat misdadigers nie ontsag het vir die land se strafregstelsel nie. “Dit moet verander.”

Glynis Breytenbach, DA-skaduminister vir justisie, het egter gesê die DA stem nie saam met dié uitlatings nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

42 Kommentare

jongste oudste gewildste
Johann Burmeister

DA julle sal soveel stemme verloor agv dit. Wat van die Grondwetlike regte van slagoffers, nee dit bestaan nie. Harde hande arbied sal werk. Dankie Ramaphosa ek hoop jy hou by jou woord

AW

Dis nog n rede waarom ekke Nie DA Stem Niê !!

ZeldA

Ek stem beslis saam… Dit moenie lekker wees vir hul nie

Jan

As jy n veroordeelde misdadiger is, het jy jou grondwetlike regte prysgeggee net soos toe jy die misdaad geplweg het en jy n wetsgehoorsame burger se grondwetlike regte geskend het. Harde hande arbeid is wat nodig is geen freebees nie

Cherokee

Nou wag ons vir die lokale DA-lede se commintaar. Kom ek wed dit gaan redelik stil wees van hulle kant af.