‘Laat onnies oorsee gaan, daar’s volop hier’

Die departement van basiese onderwys sê onderwysers kan maar landuit gaan; daar word genoeg opgelei. Foto: Morné van Rooyen

Die departement van basiese onderwys sê niemand hoef bekommerd te wees oor die aantal onderwysers wat die land verlaat nie.

EWN berig dit kom ná ʼn berig in die Sunday Times dat opvoeders landuit verhuis op soek na beter vergoeding en werkomstandighede.

Van die faktore wat onderwysers laat emigreer, is godsdienstige onverdraagsaamheid, klasgroottes en ʼn ondoeltreffende leerplan, het die Sondagkoerant berig. Oorsee kan onderwysers luidens berigte selfs tot tussen R50 000 en R70 000 per maand verdien.

Maar die departement se Elijah Mhlanga het aan EWN gesê hulle het vertroue in die plaaslike onderwysstelsel. “Ons is glad nie bang dat ons met ʼn krisis sal sit nie, want as jy gaan kyk, sal jy sien al ons universiteite bied onderwyskwalifikasies aan. Hulle is amper vol, wat beteken ons werwingsveldtog werk.”

Die Suid-Afrikaanse Raad van Opvoeders het vroeër sy kommer oor die neiging van onderwysers om die land te verlaat veral om in die Verenigde Arabiese Emirate te gaan skoolhou, teenoor die departement uitgespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

69 Kommentare

jongste oudste gewildste
Alida

Ja dis reg los ons met die onbekwames.

Jordaan

Jou onnosel, onderwys in sommige skole is totaal in chaos, nou wil jy nog die paar onderwysers wat iets werd is verjaag!

Groen Ertjie

Hou die massas swak geskool en regeerbaar – dis die plan

Talie

Die arme mense weet nie dat hulle nie weet nie.

Irma

Hahahahaaaaaa, regtig ??