Twee laerskoolkinders het Vrydag in Oos-Londen verdrink.
Kapt. Mluleki Mbi, woordvoerder van die polisie, het gesê die polisie doen ʼn geregtelike doodsondersoek.
“Twee leerlinge van ʼn laerskool in Mthatha het omstreeks 12:15 verdrink toe hulle by Oostelike strand geswem het,” het Mbi verduidelik.
Die twee skoliere, onderskeidelik 13 en 14 jaar oud, het in die see geswem toe hulle in die moeilikheid beland het. “Paramedici is na die toneel ontbied. Die twee leerlinge is op die toneel dood verklaar. Hulle name sal bekend gemaak word sodra hul naasbestaandes in kennis gestel is.”
Tragies. Kinders wat nie kan swem nie, moet gladnie toegelaat word om in water in te gaan op skooluitstappies nie. Ouers moet kinders verbied, dis hul verantwoordelikheid.
Moes die kinders nie nog daardie tyd in die skool gewees het nie? Waar was die ouers?
Die onnie in my wonder ook! Daar is veral in landelike gebiede die “…but it’s Friday…”-tendens: geen skool op Vrydae.