“Ons reken ons sal teen die einde van die week moontlik meer inligting hê,” het Phumla Williams, woordvoerder van die regering, gesê. Sy het gesê daar sal ʼn mediakonferensie gehou word sodra meer inligting beskikbaar is.
Minstens 116 mense, waaronder 84 Suid-Afrikaners, is op 12 September dood nadat ʼn kerkgebou by profeet TB Joshua se Synagogue Church of All Nations in Lagos inmekaargestort het.
City Press het vroeër die maand berig dat ʼn mediese ondersoeker van Nigerië gesê het die liggame sal teen die einde van die maand terug in Suid-Afrika wees.