Land Bank kry lening van R900 miljoen by Duitse bank

Argieffoto

Die Land Bank het Donderdag aangekondig dat hy ʼn lening van R900 miljoen bekom het by die Duitse Ontwikkelingsbank (KfW).

Die Land Bank het gesê die lening, wat in die plaaslike geldeenheid beskikbaar gemaak word met gunstige terme, sal ʼn noodsaaklike hupstoot gee vir landbou-ontwikkeling in Suid-Afrika en dra by tot die Land Bank se bronne vir transformasie- en ontwikkelingsfinansiering.

Die lening is terugbetaalbaar vanaf Maart 2020 in 17 halfjaarlikse betalings tot 2028.

Dit sal die bank se langtermyn likiditeit verhoog tot voordeel van die landboubedryf in Suid-Afrika.

Tshokolo Nchocho, uitvoerende hoof van Land Bank, het gesê die lening sal die bank ook in staat stel om met sy Greenfields-projekte voort te gaan. “Ons word bemoedig deur die vertroue wat beleggers in ons belangrike werk plaas om landelike ontwikkeling te ondersteun en om te voldoen aan al ons verpligtinge teenoor sleutel-aandeelhouers.”

Nchocho het gesê met sulke tipe lenings bly Land Bank in ʼn posisie om produktiwiteit, vooruitgang en werkskepping te bevorder en voedselsekuriteit in die land te verseker.

Thomas Duve, KfW-direkteur vir sub-Sahara-Afrika, het gesê die lening fokus daarop om finansieringsoplossings te bied vir handelsboere en punt-tot-punt-sakeondersteuning vir opkomende boere, veral met die doel om langtermynfinansiering teen mededingende voorwaardes aan te bied.

Land Bank het die afgelope jaar soortgelyke lenings aangegaan met die Wêreldbank en sy MIGA-arm (ter ondersteuning van ʼn langtermyn handelslening van Standard Chartered Bank en DZ Bank), bykomend tot die Land Bank se finansieringspogings in die plaaslike kapitale en skuldmarkte.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Johann

“transformasie en ontwikkeligs finansiering” nogal? Vertaal in AFRIKAniaans en veral ANCliaans hoor ek bedrog, korrupsie, MELKPLAAS PROJEKTE IN VREDE, weggee sonder kontrole, onbevoegdheids voorkeure vir ANC kronies en politieke lite eerder as werklike voedsel sekerheid… en ek kan aangaan. Ek sidder om te dink wie wat belowe het om die lekker ANC BONUS te kry so voor n verkiesings jaar? Maar. die Wereld leer eenvoudig nie.

TDW

Ek sal graag meer wil weet wat dit beteken vir ons en ons toekoms. Kan enige iemand met ‘n breër finansiële agtergrond hier kommentaar lewer asb.

Alida

Nou gaan hulle daai geld roekeloos uitleen aan sekere boere en die opregte boere kry niks. Die grond gaan brak bly en nuwe karre gaan gekoop word. Nie n enkele sent gaan vir die regte doel aangewend word nie. Dit is oor en oor bewys.

Katvis

Kom zuma, hier is geld vir nog n swembad, bedoel vuurpoel.

Alida

Oor n paar jaar dan moet ons weer instaan vir daai skuld want daar niks geboer word nie.