‘Landburgers se vrese oor Onteieningswet al lankal bevestig’ – Vrystaat Landbou

(Argieffoto)

“Landburgers se vrese oor die Onteieningswysigingswet is al reeds in 2013 bevestig.”

Só het Vrystaat Landbou (VL) die afgelope Vrydag in ’n voorlopige verslag gesê waarin die organisasie die impak van die voorgestelde Onteieningswetswysigingswet uitlig.

Volgens VL het Jeremy Cronin, voormalige adjunk-minister van openbare werke, in 2013 tydens ’n debat op die KykNet program Robinson Regstreeks die aanval van die Onteieningswysigingswet op elke individu se eiendomsreg aan die lig gebring.

In die onderhoud erken Cronin, adjunk-hoofsekretaris van die SAKP, dat die wet ten doel het om “toegang tot die land se hulpbronne te bied”.

Op ’n vraag of die wet ook sou geld vir persoonlike bates soos spaargeld, het Cronin beaam dat dit wel onteien kan word.

Francois Wilken, president van VL, sê daar word verkeerdelik aanvaar dat slegs landbougrond die teiken is van onteiening sonder vergoeding. Hy sê VL glo dat sy verslag daarop wys dat die voorgestelde wet private eiendomsreg in die algemeen aftakel.

“Openbare betrokkenheid in hierdie proses is vir landbou en in die algemene landsbelang uiters belangrik,” sê Wilken. “Ons beoog om so wyd as moontlik ondersteuning te mobiliseer teen hierdie wet, aangesien ons van mening is dat onteiening sonder vergoeding ’n maak of breek saak is; nie net vir boere nie, maar ook vir die land en al sy mense.”

Volgens Wilken is VL van mening dat die Onteieningswet gestop moet word om die volgende redes:

  1. Anders as standaard onteieningswetgewing, is die uitgesproke doelwit van hierdie wet herverdeling.
  2. Die verskoning vir onteiening van bates sluit sogenaamde “openbare doelwitte” in – ʼn konsep wat oop gedefinieer is en wat deur enige regeringsamptenaar geïnterpreteer en toegepas kan word.
  3. Die wet maak onteiening sonder vergoeding (OSV) moontlik.
  4. Die wet stel breë algemene kategorieë waarbinne OSV mag plaasvind.
  5. Alle bates kan deur die wetgewing geteiken word.

Die VL het ’n Stop Onteiening-veldtogblad beskikbaar gestel vir voorleggings teen hierdie wet. Die voorleggingswat op hierdie blad gemaak word, sal aan die parlement oorhandig word.

Mense kan hier aan die veldtog deelneem en hul teenkanting teen die Onteieningswet aanteken.

Druk hier om Cronin se volledige debat te kyk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
koei

Ek raak naar net om die te lees……..paar ander goed ook wat ek nie mag skryf nie

annie

Parasiete is plante, diere of mense wat op ander teer. Waarom word mense ook in woordeboeke bygereken as dit nog nooit ooit gebeur het nie? Krap dit dood! Ek wou dit uitsny maar aan die teenkant staan ‘paradys’ en dit kan mens mos nooit ooit misken nie. Kyk net om jou… dis orals…

FBS

Is dit moontlik dat mense wat se dit is tot ons land se voordeel en dat dit die land sal verenig so blind is dat hulle nie kan sien wat het in ons buurland gebeur nie. Ongelukkig is die vat en moet gee kultuur deur die ANC geskep en dit word duidelik gesien, moet asb. nie betaal nie, vat net of breekaf.

christo

Die padda en die warm water vergelyking ken ons almal. Die wonderlike ANC en Kommunistiese party se agenda om geleidelik die witmens se regte en eiendom van hom te ontneem is ‘n gevaar wat die ‘ regse Afrikaners ‘ rééds met die onderhandelinge met KODESA sien kom het, maar die linkses het gesê ons verkoop spookstories. Net soos Piet Retief verkeerdelik vir Dingaan vertrou het, FW se Klerk se regering dieselfde fout gemaak. Roelf Meyer was nie opgewasse teen Ramaphosa nie. Die onderhandelingstafel was ‘n klug, want reeds toe is SA uitverkoop deur politici wat groot finansiële voordeel getrek het… Lees meer »

Werner

Wonder waar gaan ons die streep trek