Die wapens wat langs die pad versteek is. (Foto: SA Polisie)
ʼn Snuffelhond van die polisie het beamptes gelei tot by ʼn wapen wat versteek is ná ʼn diefstal op ʼn plaas in die Nuyvallei-gebied by Worcester.
Brig. Novela Potelwa, polisiewoordvoerder in die Wes-Kaap, sê daar is Sondag in die vroeë oggendure by die plaashuis ingebreek en lede van die Breederivier-honde-eenheid is na die toneel ontbied.
Op pad daarheen het lede van die plaaswag die polisie bedag gemaak op ʼn leë kluis wat langs die pad opgemerk is.
“Deur die eenheid se plofstofhond in te span, het die polisielede die spore tot by ʼn droë rivierbank gevolg. Die hond het gereageer op ʼn hoop blare en het daarop gaan sit.
“By verdere ondersoek het die lede drie jaggewere, 15 patrone, ʼn lamp en ʼn skootrekenaar onder die hoop blare ontdek,” sê Potelwa.
Die soektog na die verdagtes duur voort.
Dit hou waaragtig net nie op nie!!
Baie baie dankie. My alie afgesukkel
Give that dog a bone.