(Argieffoto: Pixabay.com)
ʼn Sewentienjarige skoolmeisie het in ʼn brand in ʼn skoolkoshuis in die Oos-Kaap omgekom.
Kapt. Raphael Motloung, polisiewoordvoerder, het gesê die leerder is glo in die Tyelimhlophe-landbouskool se koshuis op Mount Frere toegesluit, omdat sy te siek was om klas by te woon.
Die brand het glo omstreeks 08:00 Vrydag uitgebreek. “Ten spyte van pogings om haar te red, was dit te laat om haar te help en het sy in die koshuis doodgebrand,” het Motloung gesê.
Die naam van die slagoffer is nog nie bekend gemaak nie.
Die oorsaak van die brand is nie bekend nie en word ondersoek.
Die koshuis is heeltemal verwoes.
Forensiese ondersoekers van die polisie was gister op die toneel om dit vir leidrade te fynkam.
Hoekom sal jy n kind toesluit wat te siek is? Sal die regte ding nie wees om hom of haar onder toesig van n bekwame persoon te Los nie? Is die arme kind gelaat vir dood?? Ek sal die hoof aankla van moord. Dis ongelukkig ons stelsel. Sterkte vir die ouers en familie. RIV
Waarom was sy toe gesluit?? Iets klink nie vir my reg nie. Sterkte aan die ouers en familie.
Jammer om te hoor.
Ondersoek nalatigheid!!!
Die koshuis is heeltemal verwoes???????????
Ai. My gebede en meegevoel aan al haar geliefdes
Na my mening – sy is toegesluit om molestering te voorkom.
Ek het ook dadelik gedink dat sy vir haar eie veiligheid toegesluit was.
Dit is onaanvaarbaar dat ‘n kind so die lewe moet verlaat .
Ongelukkig is dit redelik die norm om siek koshuiskinders in die koshuis toe te sluit. (Lw. Ek sê nie dis by alle koshuise so nie). Hopelik word daar besef dat daar negatiewe gevolge rondom dit kan wees.
Mqg die leerder in vrede rus en die familie berusting vind.
Waar was die skoonmakers en kombuispersoneel? Is daar nie ‘n toesighouer wat heeldag by die koshuis is vir administratiewe take nie? Êrens mis ek sekere feite . Sterkte aan die ouers.
Toe daai twee meisiekinders in die koshuis vermoor is (deur Xander Bylsma) het almal kritiek gelewer oor hoe die koshuis gesluit moes gewees het. In hierdie geval was die koshuis gesluit en nou word daar gevra hoekom was die koshuis gesluit. Mens kan nie wen nie. Dit is ‘n tragiese ongeluk (tensy daar wel bewyse is van vuilpel) en ons simpatiseer met die kind se familie en die skool.