Foto verskaf deur SAPD Wes-Kaap
ʼn Leeuwelpie is na ʼn plek van veiligheid geneem ná dit in Athlone, Kaapstad gevind is.
Sers. Noloyiso Rwexana, woordvoerder van die polisie, het gesê speurders het Woensdag inligting opgevolg dat ʼn leeuwelpie van Thabazimbi in Limpopo na die Wes-Kaap vervoer word. “Verskeie eiendomme in Athlone is deursoek en die leeuwelpie is uiteindelik gevind.”
ʼn Saak van die onwettige besit van ʼn bedreigde spesie is deur die veediefstaleenheid aanhangig gemaak en die leeuwelpie is na ʼn plek van veiligheid geneem.
“Die geraamde straatwaarde van die leeuwelpie is R50 000. Drie mense, tussen 28 en 30 jaar oud, word ondervra. Die ondersoek duur voort,” het Rwexana bygevoeg.
Sorg dat hy so spoedig moontlik in die natuur kan aanpas en plaas hom terug in sy habitat
Seker op pad na China
Net baie bly hulle het hom nie seer gemaak nie Altyd n sagte plekkie vir n leeutjie. Baie mooi diere.