Lesufi besorg oor misdaad by skole

Argieffoto

Panyaza Lesufi, Gautengse LUR vir onderwys, sê hy is uiters besorg en teleurgesteld oor die vlak van misdaad wat sedert die begin van 2019 by skole aangemeld is.

“Dit is kommerwekkend dat die departement altesaam R121 348 663.40 verloor het. In ongeveer 256 skole in Gauteng is 262 gevalle van diefstal en vandalisme aangemeld; 187 gevalle waar leerders geboelie is en 107 gevalle van geweld en aanranding,” het Lesufi gesê.

“Misdaad soos diefstal en vandalisme het tot die verlies van waardevolle hulpbronne gelei wat ten doel gehad het om die gehalte van onderrig aan leerders te verbeter. Ongelukkig beskou sommige persone ons hulpbronne as ʼn geleentheid om misdaad te pleeg en ons leerders te beroof van hul reg tot basiese opleiding.”

Lesufi het bygevoeg dat, alhoewel die departement ondersteuning ontvang van wetstoepassers, is daar nog baie wat gedoen kan word. “Wetstoepassingsagentskappe moet op onderwys fokus in hul sekuriteitanalise, veiligheid en risiko. Dan kan die departement fokus op sy eie hoofmandaat.”

Hy doen ʼn beroep op gemeenskappe om eienaarskap te neem van hul skole en oorlog te verklaar teen kriminele wat skole teiken. “Leerders moet altyd fokus op hul onderrig en gedissiplineerd wees.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
marous

Hy kan maar die Limpopo vol huil . Die skuld is voor sy deur .

Wurmpie

Gedink hy net besorg oor skool name wat moet verander

PPP

Hy het hulle goed geleer hy moet nie nou huil nie.

Koos de Meyer.

Met die naamsverandering gaan hulle nog meer plunder. Hy kan maar huil, trane kos nie geld nie.

Hanna Hoekom

Dis nou die einste “gemeenskappe” wat “liberation before education” geskree het? Maklike oplossing: moet doodeenvoudig NIKS herstel nie. Die gemeenskappe het blykbaar nie die hulpbronne nodig nie. Onderrig is blykbaar ook nie nodig nie. En daar is altyd die Sassa-rye…