Lesufi na Helpmekaar oor ‘oortreding’ van regulasies

Helpmekaar Kollege in Johannesburg. (Foto: Facebook)

Die LUR van onderwys in Gauteng, Panyaza Lesufi, besoek Maandag die Helpmekaar Kollege in Braamfontein in Johannesburg ná berigte dat leerders Maandag by die skool moet aanmeld.

“Dit volg op mediaberigte dat die instelling ʼn nuusbrief aan ouers gestuur het waarin hulle ingelig word dat al 1 200 leerders Maandag by die skool moet aanmeld,” lui ʼn verklaring van die departement oor die besoek.

Helpmekaar is ʼn gemengde private Afrikaanse skool.

Steve Mabona, woordvoerder van die departement, sê die doel van Lesufi se besoek is om vas te stel hoekom die skool heropen “in oortreding van die departement van onderwys se aankondiging om die heropening van skole van 27 Januarie tot 15 Februarie uit te stel”.

Die departement het Vrydag aangekondig staatskole se vakansie word tot 15 Februarie verleng te midde van ʼn tweede vlaag Covid-19-infeksies.

Die departement het ook ʼn beroep op private skole gedoen om by hierdie besluit in te val.

Maroela Media het vroeër berig een van die kwessies waaroor ʼn private skool kragtens onderwyswetgewing altyd kan besluit, is die skedulering van skoolkwartale.

Die staat kan bloot versoek dat private skole in belang van die gesondheidstelsel twee weke lank sluit. Die besluit om daartoe in te stem of nie berus egter by die betrokke private skool.

Onafhanklike skole kan dus nie gedwing word om by die besluit in te val nie, maar organisasies wat dié skole verteenwoordig, het onderneem om skole te oortuig om dit wel te doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Alex

Lekker, val die Afrikaanse skool weer aan…

Juffrou

Ag toggie, kan ons tog nie verlos word van dié vent nie?! Derduisende is nog nie eens in skole geplaas nie! Maar nou steek hy weer sy ou vet neus in ons skole!

Anel

Wat verstaan hy nie van PRIVAAT nie? Los die skool. O, maar ek het vergeet, dis mos Afrikaans. Ai, hulle is so bang vir Afrikaans. Wel, dis die kinders wat wil leer en iets met hul lewens dien. Hulle moet 100 keer harder werk en beter punte kry sodat hulle oorsee kan gaan werk want hier word nie vir hulle werk gegee nie. Al is hulle punte hoër as 30%. So los die privaat skole. Lesufi, gebruik die energie wat jy daar gaan mors, om jou ander skole dalk gereed te kry!!!
Helpmekaar, stel die voorbeeld. Moet julle laat intimideer nie.

Persheks Adri

Hoe ver wil julle die kinders agter hou? Tot hulle op julle vlak is en agter bly? Plaas soek julle oplossings, maar nee te veel werk natuurlik en te moeg. Julle maak naar hel man

Anti-Verkramp

My persoonlike mening is dat groot privaatskole met baie leerders by dieselfde reelings as staatskole moet inval want wat maak die situasie nou anders? Ek kan verstaan dat klein skooltjies met net ‘n paar leerders kan maak wat hulle wil. Boonop kan privaatskole maklik hul klasse aanlyn aanbied want al hul leerder sal toegang he tot die internet. So geen verskoning nie.