Amy-Leigh de Jager (6) (Foto: Facebook)
Panyaza Lesufi, LUR vir onderwys en jeugontwikkeling in Gauteng, sal Donderdagmiddag die Laerskool Kollegepark in Vanderbijlpark besoek.
Volgens Steve Mabona, woordvoerder van die Gautengse onderwysdepartement, is Lesufi se besoek in verband met die ontvoering van die sesjarige Amy-Leigh de Jager.
“Lesufi sal die skool besoek om inligting te kry oor die bewerings dat ʼn gr. RR-onderwyser aan die skool glo by die ontvoering betrokke was. Die LUR sal daarna die nodige aankondiging maak.”
Daar is Donderdagoggend berig dat drie verdagtes in hegtenis geneem is in verband met Amy-Leigh se ontvoering.
Brig. Vishnu Naidoo, polisiewoordvoerder, het gesê twee vroue, 27 en 40 jaar oud, en ʼn 50-jarige man is Woensdagaand by hul huise in Vanderbijlpark in hegtenis geneem.
Naidoo het ook gesê een van die vroue is aan die De Jager-gesin bekend. Die drie verdagtes is tans in aanhouding en sal na verwagting môre in die Vanderbijlpark-landdroshof verskyn.
Volgens Naidoo is die polisie seker hulle het die drie hoofverdagtes in die saak in hegtenis geneem, hoewel die inhegtenisneming van nog verdagtes nie uitgesluit word nie.
Amy-Leigh is Maandag voor haar skool, Laerskool Kollegepark, uit haar ma se arms gegryp en ontvoer. Sy is die volgende oggend ongedeerd gevind.
Daar is vroeër berig dat vier mans Maandag omstreeks 08:00 met klein Amy-Leigh in ʼn wit Fortuner weggejaag het. ʼn Grootskaalse ondersoek is binne minute ná die voorval van stapel gestuur.
Laerskool Kollegepark het intussen gesê die skool se bestuur en beheerliggaam is bewus van die verdagtes wat in hegtenis geneem is.
“Al kan ons nie tans alle inligting bekend maak nie, wees gerus dat ons in noue samewerking met die Suid-Afrikaanse Polisiediens (SAPD) en ander owerhede is. Ons verseker elke ouer dat alle moontlike maatreëls getref word om elke leerder van Kollegepark se veiligheid te verseker.”
Ek is seker daarvan Lê so vêr gaan ook kyk of die naam pas.
Hy gaan seker weer die taalbeleid by die skool probeer verander!
Hopelik is almal al huistoe as hy daar opdaag. :)
Ag toe nou Lesufi keer terug na jou krot skole. Ons het jou nie nodig nie. Dit het niks met politiek te doen nie. Los dit vir die polisie.
Lesufi, gee pad. Jy is useless!
Ja Robert …….
Kyk na die skuldiges en straf ordentlik!
Die enigste rede hoekom hy daar gaan wees om media dekking te kry.Hy gaan soos gewoonlik net ‘n klomp snert (daar is ‘n beter woord) kwytraak.
Jip, dis vir seker, wat soek die vabond daar? Net vir skoorsoek…
Presies, hoekom was hy nie al Maandag daar nie, wil seker die onderwyseres gaan beskerm
En intussen sirkuleer die een vrou se foto op sosiale media.
Die Mini-ster soek mos die kol-lig, anders het hy nie veel on te WYS wat Onderwys betref nie!!
Ten minste gaan Lesufi darem nog na die skool toe. As hy nie gegaan het nie, sou almal seker daaroor gemoan het.
Net so…
Niemand sou kla nie, want daar is geen sin daarin dat hy soontoe gaan nie. Dit is die polisie se ondersoek nie syne nie.
Wel jou stuiwer kom uit ‘n armbeurs uit want jy sal ook moet verduidelik wat se doel sy besoek dien.
weet ook nie wat hy/sy daar gaan doen nie , die polisie sal dit uitsorteer.
ap.,
Ten spyte van snedige opmerkings oor Lesufie, het ek nogal waardering daarvoor dat hy wel die skool besoek en sy belangstelling/besorgdheid toon.
Om wat te gaan maak nogal??!!
Op die hoofverdagte se Face book blad staan daar Child of God.
Aaag,dié hele ou storie,raak nou ietwat afgesaag…
Daag hy nie op nie, dan kerm julle Saffas, daag hy wel op dan kerm julle Saffas. Tiepies.
Nou is AL die onderwysers in Suid Afrika seker ook sleg?
Nee, 5% is uitstekenk.
Indien die polisie die ondersoek goed doen en daar bewyse is dat die mense skuldig is moet hulle asb nie vir hulle enige tyd borgtog gee nie. Dit kan hulle in gevaarlike tye “skuldig” in die publiek laat loop en dit kan van hulle ‘n voorbeeld gemaak word. Deur mense wat al keelvol is vir mishandeling van vrouens en kinders.
Met enige krisis hardloop Lesufi skole toe – dadelik. Sou hy Maandag soontoe gehardloop het, het ek dit nog waardeer. Maar as hy glad nie die skool besoek nie of soos nou eers 3 dae later, bevraagteken ek definitief sy motief. Nogal nuuskierig om te hoor watse gemors hy gaan gorrel. Dalk goeie humor vir die naweek.
Nou vi wat gaan hy na die skool toe??? …… ai wat mens sal doen om aandag te kry