Lesufi sê Maandag oor chaos met plasings by skole

Talle ouers wou weet wat die doel van aanlynsoeke was, as hulle stééds ure lank in toue by streekkantore moet staan om plek vir hul kinders in skole te probeer kry. (Foto: ChefKat MOLEFE/Twitter)

Die LUR vir onderwys in Gauteng, Panyaza Lesufi, gaan na verwagting Maandag ouers op die hoogte van sake bring ná talle probleme die afgelope naweek by die departement se streekkantore ontstaan het.

Lesufi se kantoor het gesê “ouers het uitdagings ondervind”.

Beamptes is aangerand en toerusting en geboue beskadig toe tientalle ouers Sondag na streekkantore opgeruk het om te verseker hul kinders word geplaas in hul voorkeurskool.

Die plasingsproses moes teen die einde van verlede maand afgehandel gewees het, maar dít het nie gebeur nie. Gister het Lesufi getwiet dat die meeste “goeie skole” volle kapasiteit bereik het en dat daar nou na alternatiewe gesoek word. Hy het die onderneming gegee dat geen leerder nié geplaas sou word nie.

Die spertyd vir die plasing van gr. 1 en gr. 8-leerders is intussen uitgestel aangesien meer as 40 000 leerders steeds nie plek in skole het nie. Die spertyd is nou die einde van dié maand.

Altesaam 234 290 leerders is reeds geplaas terwyl 43 797 nog nie plek in skole het nie. Die departement het ook gesê dit is kommerwekkend dat sowat 4 700 leerders se ouers nog nie hul plasings aanvaar het nie. Daar word ʼn beroep op ouers gedoen om die plasings te aanvaar aangesien die plekke ná ʼn tydperk van sewe dae nie meer beskikbaar is nie.

Tot dusver is 411 skole reeds vol, hoewel van die skole reeds hul kapasiteit verhoog het om nog leerders te kan inneem.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Outoppie

En Lesufi weet nie wat om te doen

Jacques

Ek is regtig dankbaar ons bly nie die gebied met al die probleme nie . Hier gaan ons net elke jaar aan na die volgende graad met geen probleme nie . Ek sal egter net wil weet wanneer gaan die departement besef dat die STELSEL nie werk nie , want dit is elke jaar dieselfde uo storie van die STELSEL is oorlaai ??

Johann

NOG n voorbeeld van die resultaat van beplande moedswilligheid om chaos te verseker. Mens noem dit ANARGIE.

Jacques

Ek is regtig dankbaar ons bly nie die gebied met al die probleme nie . Hier gaan ons net elke jaar aan na die volgende graad met geen probleme nie . Ek sal egter net wil weet wanneer gaan die departement besef dat die STELSEL nie werk nie , want dit is elke jaar dieselfde ou storie van die STELSEL is oorlaai ??

Cora Simpson

Lesufi het getwiet dat die meeste “GOEIE SKOLE” volle kapasiteit bereik het. Sekerlik kan hy nou ‘n lys gee watter is goeie skole en watter is slegte skole. Watter ouer by sy volle verstand wil ‘n kind in ‘n skool sit waar die Minister van Onderwys se dis ‘n SLEGTE SKOOL.