Lesufi/Kriel-debat: ‘Ek is nie julle vyand nie’

Kallie Kriel en Panyaza lesufi. Foto: Landi Malan

Kallie Kriel en Panyaza Lesufi. Foto: Landi Malan

Kallie Kriel, uitvoerende hoof van AfriForum, en Panyaza Lesufi, Gautengse LUR vir onderwys, het mekaar Donderdag kaalvuis gepak in ʼn openbare debat rakende die toekoms van Afrikaans in skole.

Dit kom nadat Kriel en Lesufi mekaar vroeër op Twitter oor die onderwerp aangevat het. Willie Spies, besturende direkteur van Pretoria FM, het die gesprek gefasiliteer. Nagenoeg 150 mense het die debat bygewoon.

Kriel het gesê AfriForum “wil nie die land of regering oorneem nie, maar poog om kultuur en taal ná 1994 te beskerm”. “AfriForum wil hê alle swart kinders moet óók toegang hê tot kwaliteit onderwys,” het hy gesê.

Kriel het aangevoer dat die Suid-Afrikaanse Demokratiese Onderwysersunie (Sadou) ʼn groot oorsaak is dat “80% van skole in Suid-Afrika disfunksioneel is”. Hy het hom uitgespreek teen die “mite dat Afrikaanse skole uitsluitlike wit ruimtes is”.

Lesufi het begin deur te sê “we are better off together”. Hy het gesê alle besluite word geneem aan die hand van drie dokumente naamlik die vryheidsmanifes, die Grondwet en die Nasionale Ontwikkelingsplan.

“Ek wil dit duidelik maak dat ek poog om presies die teenoorgestelde te doen as wat Hendrik Verwoerd gedoen het. Dit beteken kwaliteitonderrig vir almal. Ek en hy deel ʼn naam, Hendrik, dis al.”

Hy het verder gegaan deur vir Kriel te vra wie verantwoordelik is vir die feit dat die skole in die eerste plek disfunksioneel is.

Lesufi het die Hoërskool Waterkloof telkemale as ʼn voorbeeld gebruik en gevra waarom maak dié skool byvoorbeeld nie sy sportgrond en -fasiliteite beskikbaar vir ʼn nabygeleë skool in Mamelodi nie. “Wat is fout daarmee? Daardie skool word befonds deur al die mense in die vertrek se belasting, nie net een ras s’n nie.” Hy het verder aangevoer dat “Afrikaners skoolsport in hul eie skole geprivatiseer het”. Kriel het dit ontken.

“Ek is nie julle vyand nie en sal dit nooit wees nie. Ek sal nooit ʼn skool toemaak of teen ʼn skool diskrimineer nét omdat dit Afrikaans is nie. Nooit nie. Ek wil hê álle kinders moet kwaliteitonderrig ontvang, maar jy kan nie ʼn skool hê wat net vir ‘kleinbase’ is nie.”

Die debat het onteenseglik ʼn rassebaadjie aangetrek toe daar deur albei partye vrae uit die gehoor beantwoord is.

Daar is egter besluit dat hoewel die partye steeds nie noodwendig ooreenstem nie, dialoog verwelkom en voortgesit moet word.

Die insetsel is deur eNuus vervaardig. Kyk eNuus elke aand om 19:00 op kanaal 144 en 145 op DStv.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Goed om te weet

Goed om te weet jy beplan nie om skole toe te maak nie, vergeet die storie van klein base se skool, in alle skole is gemengde rasse wat Afrikaans praat en net Afrikaans wil praat, so is daar die Engelse skole, beide stelsels bied die ander taal as 2de of 3de taal aan, so wat is nou eintlik die probleem. Nee die persepsie is ‘n opgeboude skool het in die nag uit die lig geval en mens hoef dit nie te onderhou nie. Mnr Lesufi ek hou van hoe jy dink, dit is egter nie die aangeleentheid waaraan jy aandag… Lees meer »

Jan

Onthou ASB! Hierdie LUR weet nie wat hy nie weet nie

Jan

Hierdie LUR weet nie wat hy nie weet nie

Hendrik

Waar is die swart ryk sakemanne soos Tokio Sekwale wat swart skole in Mamelodi kan befonds? Hulle stel eenvoudig net nie belang nie. Hoekom moet daar druk op funksionele skole geplaas word omdat die swart gemeenskappe nie doelwitte het nie. Wat verhoed die gemeenskapsleiers van Mamelodi om by hierdie sakemanne/organisasies aan te klop nie? Hoekom kan die swart gemeenskappe nie die juk van SADOU afskud nie en behoorlike onderwysers aanstel nie? Hoekom kan in daardie gemeenskappe nie genoeg nuwe skole gebou word om die aantal swart leerdes te akkomodeer nie? Is die swart gemeenskappe aan die slaap? Lusufi kan jy… Lees meer »

Josua Keys

Mnr Lusufi gaan terug skool toe want jy weerspreek jouself deur te sê jy is nie die afrikaanse skole se vyand nie, nou waarom sal dit jou dan pla dat klein “Basies” soos jy dit stel saamspeel jy verwys na “Wit Kinders” dan erken jy mos in jou eie woorde dat jy en jou regering ‘n bedryging is!!! As daar swart mense in ‘n wit woongebied woon 5KM van ‘n wit skool twyfel ek sterk of hulle daardie kinders nie daar sal toelaat nie maar julle ry kinders met busse na skole aan omdat die skole in jul eie gebiede… Lees meer »