Foto bloot ter illustrasie. (Argieffoto)
’n 43-jarige man is Woensdag lewenslange tronkstraf in die Stilfontein-streekshof in Noordwes opgelê vir die wrede moord op sy niggie en haar 12-jarige kind, tien jaar gelede.
Die voorval het op 29 Mei 2012 in Tigane naby Hartbeesfontein plaasgevind. Dit is nie duidelik waarom die saak so lank gesloer het nie.
Volgens die polisie het David Khoza destyds by die huis waar die ma en dogter gewoon het ingebreek en hul kele afgesny. Hy het van die toneel gevlug, maar is kort ná die voorval deur die polisie aangekeer.
“’n Vinnige reaksie deur die polisie het hulle na Khoza se huis gelei waar bloedbevlekte klere ontdek en vir DNS-toetse gestuur is. Die uitslae het Khoza positief met die moorde verbind,” sê Henry Mamothame, woordvoerder vir die Nasionale Vervolgingsgesag (NVG) in Noordwes.
Khoza het skuld op die moorde ontken, maar is deur die hof skuldig bevind.
“Die staatsaanklaer, adv. Christoffel Kok, het die hof versoek om nie van die voorgeskrewe minimum vonnis af te wyk nie, gegewe die wreedheid van die misdaad. Hy het verder aangevoer dat Khoza ’n gewetenlose individu is wat nie die lewens van vroue en kinders waardeer nie.
“Die hof het dieselfde sentiment gedeel en Khoza tot lewenslange tronkstraf gevonnis.”
Dr. Rachel Makhari-Sekhaolelo, direkteur van openbare vervolging in Noordwes, meen die skuldigbevinding en vonnis is ʼn “stap in die regte rigting” in die stryd teen geslagsgebaseerde geweld en die mishandeling van vroue en kinders.
Ek sal daarvan hou om te weet, om watter rede dié saak 10 jaar gevat het om fonnisoplegging te doen.
Saak sloer 10 jaar voor hy gevonnis word? Dis abosluut skokkend hoe als in hierdie land dekades vat om afgehandel te word. Skuus, het vergeet dis die nuwe SA!
Ek wil weet waar Khoza was die afgelope 10 jaar? Was hy uit op borg of kon hy lekker tussen die onskuldige, kwesbare mense van Suid-Afrika leef. Indien hy uit was, het hy nie ander misdade gepleeg nie.
DIT is ‘n goeie vraag!- Dink ons kan dit self uitredeneer WAAR hy was! Soveel misdaad gevalle wat plaasvind waar die krimineel op parool uit was
Dis nie duidelik nie is baie duidelik . Dis ‘n mishoop en daar is geen onduidelikheid daaroor nie .
Die rede waarom die saak so lank gesloer het, is welbekend: Regstellende Aksie.
Die ,,Lewenslank ,, vonnis moet verander word na ,,Tronkstraf tot die dag van sy dood , sonder parool. ,,
Ecclesiastes 8:11
New International Version
11 When the sentence for a crime is not quickly carried out, people’s hearts are filled with schemes to do wrong.