Liefdesdriehoek eindig in dubbele selfmoord

Morné de Bruin. Foto: Verskaf aan Rekord

Morné de Bruin. Foto: Verskaf aan Rekord

Morné de Bruin (34) is Donderdag uit die NG Kerk Culembeeck in Witpoortjie, Roodepoort, begrawe ná ʼn liefdesdriehoek glo in ʼn dubbele selfmoord geëindig het.

Die Rekord-gemeenskapskoerant berig De Bruin het homself verlede week tydens spitstydverkeer by ʼn verkeerslig in Centurion in die kop geskiet.

De Bruin, ʼn versekeringsmakelaar van Johannesburg, het glo selfmoord gepleeg nadat sy hoërskoolliefde, wat in 2011 ʼn finalis in die Mev. Suid-Afrika-kompetisie was, selfmoord gepleeg het.

“Hy het haar sedert hoërskool geken, maar hulle het kontak verloor en sy het uiteindelik getrou en ʼn seuntjie gehad,” het Rob Chidrawi, De Bruin se stiefpa, aan Rekord gesê. “Hulle het mekaar weer raakgeloop en ʼn skelm verhouding aangeknoop. Sy ma het egter nie die verhouding goedgekeur nie.”

De Bruin het glo die vrou se man van die verhouding vertel en hy het daarop aangedring dat sy tussen hulle twee moet kies. Die vrou het glo later haar man se vuurwapen gevat en haarself in sy motor doodgeskiet. Chidrawi vermoed De Bruin het homself uit skuldgevoel geskiet. Lees meer hier.

Bron: Rekord Centurion

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.