ʼn Liefdesrusie op Kersdag tussen ʼn 26-jarige vrou en haar kêrel, twee keer so oud soos sy, het tragies geëindig toe hy haar gejaag en doodgeskiet het.
Brig. Motlafela Mojapelo, woordvoerder van die polisie in Limpopo, het gesê die vrou se 53-jarige kêrel het haar tydens ʼn huishoudelike voorval doodgeskiet in gaMoloi, Nebo. “Die voorval het Kersoggend omstreeks 09:00 plaasgevind,” het hy gesê. “Die vrou het na bewering tydens die rusie na die bure se huis gevlug en die kêrel het haar agternagesit. Hy het haar geskiet en sy is op slag dood.”
Die man is daarna huis toe waar hy homself doodgeskiet het.
“Die polisie het beslag gelê op die vuurwapen. Dit was gelisensieer en het aan die oorlede man behoort.”
Die man, van Ndzhelele in Vhembe, het na bewering ʼn beskermingsbevel teen die vrou laat uitreik. Dit het gebeur nadat hy afgelê is by die werk, het Mojapelo bygevoeg.
Ek weet van talle families wat op Kersdag baklei. So onnodig.
dit is nie vreemd nie… waar onmin in n famielie heers vier gemoedere hoogty… ook n bewys hoe oppervlakkig kersfees gevier word… ware kersfees is om met ander reg te maak waar fouteer is…
Dit is ‘n dag van vrede vreugde liefde genade en seën.
Mag die mense God se genade en vrede ervaar in die tyd.