Hartbeespoortdam (Foto: NSRI via ANA)
Die polisie doen ’n geregtelike doodsondersoek ná ’n man se liggaam op ’n klipbank langs die Hartbeespoortdam gevind is.
Volgens kol. Adele Myburgh, polisiewoordvoerder, het ’n ooggetuie die polisie Saterdag omstreeks 12:00 na die toneel ontbied.
“Die man, vermoedelik in sy 50’s, se liggaam is op die klipbank by die dam gevind. Paramedici van ER24 het hom op die toneel dood verklaar,” sê Myburgh.
“Die man se voertuig is verlate by die damwal gekry.”
Volgens Myburgh het die man vermoedelik van die damwal gespring en geen vuilspel word vermoed nie.
Familielede sal die slagoffer Dinsdag amptelik identifiseer. Die polisie sê sy naam kan dus nog nie bekend gemaak word nie.
Dit is so hartseer om te dink hy neem sy eie lewe omdat hy hierdie lewe nie meer kan hanteer nie, ongeag waarom die lewe hom so hard gedruk het. Is nie meer ‘n plesier om in hierdie land te kommunistiese georienteerde wereld te lewe nie. Innige simpatie en meegevoel met sy familie en naasbestaandes
Ek dink jy slaan die spyker op die kop. Duisende wat ook so voel.
Mense pleeg selfmoord oral ter wereld. Daar’s lande waar daar oorlog is en ander waar die situasie BAIE erger is as hier. Sekere mense is maar nou net geneig tot selfmoord ander sal nooit selfmoord pleeg nie al is die situasie ook wat.