Liggaamsdele langs vrou se lyk aangetref

misdaadtoneel

Argieffoto

ʼn Man is in hegtenis geneem nadat ʼn vrou se liggaam sonder haar neus, lippe en geslagsdele die naweek gevind is.

Kol. Ronel Otto, woordvoerder van die polisie, het gesê die voorval het in Mecklenburg in Limpopo gebeur.

“Carol Motene (24) se liggaam is Saterdagoggend voor haar huis aangetref. Sy het ʼn koeëlwond in haar voorkop gehad en haar neus, lippe en geslagsdele was verwyder,” het Otto gesê. “Die liggaamsdele is langs haar liggaam aangetref.”

Volgens Otto is ʼn 28-jarige man wat glo voorheen met Motene in ʼn verhouding was later in hegtenis geneem. Hy sal hierdie week in die hof verskyn.

Die motief vir die moord sal deel vorm van die ondersoek, het Otto gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Peet Schabort

Motief vir die moord ? M.a.w. beweegrede vir die moord ? Dit kan mos nie wees vir enige normale mens. Hy moet totaal van die duiwel besete wees.

Francois

WAT de hel het Pstoors hiermee te doen? Wat prober jy sê “Dave”?

Liewe lulu

Kan Oscar nie nou maar in vrede gelaat word nie.

Juan

Ag ja asseblief – laat Oscar met rus. Siek storie dié!