(Foto: pixabay)
Eskom beplan nie om beurtkrag Vrydag in te stel nie. Die opwekkingstelsel bly egter beperk.
Die kragvoorsiener sê in sy gebruiklike verklaring hoewel onbeplande kragonderbrekings Donderdagmiddag toegeneem het, bly dit laag genoeg om beurtkrag te vermy.
Dié onderbrekings het omstreeks 16:45 op 10 679 MW gestaan met beplande onderbrekings op 4 808 MW.
“Die netwerk is onder druk, kwesbaar en onvoorspelbaar en beurtkrag kan op kort kennisgewing in werking gestel word, sou die situasie verander,” waarsku Eskom.
Die kragvoorsiener het weereens benadruk dat die moontlikheid van beurtkrag verhoog terwyl hy kritieke instandhoudingswerk doen.
Dankie aan al Eskom se tegniese mense wat elke dag hard werk om die ligte aantehou.