Werk by ʼn substasie in Tweeling in die Vrystaat, waar ʼn transformator vervang moet word, vorder fluks.
Stefanie Jansen van Rensburg, woordvoerder van Eskom, het gesê die kragtoevoer sal na verwagting teen Dinsdagaand herstel wees in dié dorp.
Maroela Media het vroeër berig inwoners sit sedert Saterdagaand sonder elektrisiteit weens ʼn foutiewe transformator by die kragstasie.
“Eskom vra om verskoning vir die ongerief en bedank verbruikers vir hul geduld,” het Jansen van Rensburg bygevoeg.
“Ons herinner verbruikers om alle elektriese drade en toestelle as lewendig te beskou aangesien die krag enige oomblik aangeskakel kan word.”
As dit by Tweeling so gou gaan, moet Driesusters maar in hul pasoppens wees. Die verkeerspolisie sal dan na manual moet oorskakel… dink net daaraan…
Hy praat van ongerief, nog steeds moet die verbruiker betaal vir krag, dit is ‘n skande.
Eskom ek is trots op julle, dit kan gedoen word. Leer asb. die Munisipaliteit in Vereeniging hoe dit gedoen word.