Die Valke het Vrydag toegeslaan op ʼn aanklaer van Thohoyandou in Limpopo nadat hy glo geld van ʼn beskuldigde gevra het om in te meng in ʼn saak.
Die 48-jarige staatsaanklaer was werksaam by die landdroshof in Thohoyandou en het glo R6 000 van ʼn beskuldige aanvaar wat aangekla word van roekelose en nalatige bestuur. “Die geld was glo om die saak te laat ‘verdwyn’,” sê kapt. Matimba Maluleke, woordvoerder van die Valke.
Die Valke het gereageer op ʼn wenk in dié verband en die aanklaer is in hegtenis geneem kort nadat hy die geld aanvaar het.
“Die verdagte sal na verwagting Maandag in dieselfde landdroshof op aanklag van korrupsie verskyn,” sê Maluleke.
Genl.maj. Thobeka Jozi, provinsiale hoof van die Valke, het gesê terwyl almal as onskuldig beskou word totdat hulle skuldig bewys is, word daar van dié wat oor hofsake toesig hou, verwag om veral onberispelik te wees. “Bedenklike optrede deur dié amptenare besmet die behoorlike toepassing van die reg.”
‘n Staatsaanklaer verskyn voor ‘n regter in die selfde hof waar hy/sy ‘n staatsaanklaer was. Bit embarrassing what! Nommer 19010 wat uit die tronk gelaat is! Net R6000….nee man!
I axpect nothing less from them. The main principles in south africa, no justice, respect and morals.
Sy straf moet dubbel die straf wees, korrupte aanklaer.
ÓNS is ALMAL mens. Ons/ek OORDEËL te vinnig. Dink net wat R6000 kan doen in die HUIDIGE PANDEMIE situasie. Wonder ….
Is goed so. Nou wag ons vir die aanklagtes teen korrupte parlementslede…
Maar ek hou nie my asem op nie.