Limpopo-boere help ontsnapte gevangene aankeer

Die soektog duur voort na Bethuel Simango, ʼn 25-jarige Mosambieker

Die soektog duur voort na Bethuel Simango, ʼn 25-jarige Mosambieker

ʼn Tweede verhoorafwagtende gevangene wat Sondag uit die aanhoudingselle van die Letsitele-polisiestasie buite Tzaneen in Limpopo ontsnap het, is weer agter tralies.

Lt.kol. Moatshe Ngoepe, polisiewoordvoerder, het gesê die tweede man is met die hulp van die gemeenskap en omliggende boere op ʼn plaas in die omgewing aangekeer waar hy weggekruip het.

Die 26-jarige man is van die Mbekwana-nedersetting naby Mandlakazi en is aanvanklik in hegtenis geneem op aanklagte van moord, huisbraak, diefstal en die besit van onwettige ammunisie.

Maroela Media het Maandag berig drie verdagtes het omstreeks 18:40 deur die dak van die oefenkamer ontsnap deur die ogiesdraad te sny. Een van die verdagtes, ʼn 27-jarige Mosambieker wat in hegtenis geneem is op aanklagte van huisroof, verkragting en huisbraak, is Maandag in die vroeë oggendure reeds aangekeer.

ʼn Spesiale taakspan is saamgestel en die soektog duur voort na ʼn 25-jarige Mosambieker wat onder meer in hegtenis geneem is op aanklagte van huisroof en huisbraak.

Die omstandighede rakende die ontsnapping word steeds ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Lance

Seker omdat die polisie te pateties is

tw

OGIESDRAAD!!!!

JC

Mooi man!!
Die boere is “awesome” !! Moenie nonsens vat nie! Vraag: is daar ‘n oulike Afrikaanse woord vir “awesome”. Dis so ‘n lekker (Engelse) woord om te gebruik, maar is daar nie ‘n Afrikaanse ekwivalent nie?

Nico

Awesome = asembenewend

Karma

Dit is rassisme! Suiwer rassisme!!!!!!!!!!!!!!!!! Hoe durf die boere die polisie help om hierdie onskuldige man (al ooit gehoor van ‘not-guilty until proven guilty?) te help vang? Hy is voorheen benadeeld en arm en honger en daarom het hy ingebreek, gesteel en gemoor. In sy tuisland is hy vervolg en hy het na SA gekom om ‘n beter lewe vir hom en sy naastes te maak en nou het die verdekselste Boere hom help aankeer. Nou moet hy in die tronk gaan sit, want hy het nie borggeld nie. Dit is SO onmenslik en onregverdig! Sy menseregte is geskaad!!!!!