Limpopo-egpaar op hoewe oorval, vasgebind

Argieffoto: Nico Strydom

Die polisie in Limpopo is op die spoor van drie verdagtes wat na bewering Saterdag ʼn egpaar op ʼn kleinhoewe buite Phalaborwa in hul slaap oorval het.

Lt. kol. Moatshe Ngoepe, woordvoerder van die polisie, het aan Maroela Media gesê drie gewapende mans met klapmusse het in die vroeë oggendure van Saterdag toegang tot die huis op die Grietjie-kleinhoewes buite die dorp verkry waar die egpaar en hul kind in die huis gelê en slaap het.

Die aanvallers het die man wakker gemaak en aangedring op kontant terwyl hulle hom aangerand het. Daarna het hulle die man en sy vrou vasgebind waarna hulle die huis deursoek het.

Volgens Ngoepe het die drie met twee skootrekenaars, ʼn hardeskyf, selfone, skoene en bankkaarte in die slagoffers se silwer Ford Everest op die vlug geslaan.

Die egpaar kon daarin slaag om hulself los te wikkel waarna hulle die polisie ontbied het. Dit kom voor of die kind ongedeerd is.

Die egpaar se voertuig is etlike kilometers daarvandaan op die R71 gevind. Daar was egter geen teken van die verdagtes nie, het Ngoepe gesê.

Ngoepe kon nie bevestig of die egpaar beserings tydens die voorval opgedoen het nie.

Die polisie ondersoek ’n saak van huisroof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
schaun

En van die ondersoek sal dadels van kom veral as die polisie dit moet ondersoek ,kan fidelity guards nie die ondersoek oorvat nie ?

$

Die man is aangerand; sekerlik sou hy beserings opgedoen het.

Dieselfde vraag word oor en oor gevra – ons kry nooit antwoorde nie: waarom is die klag slegs huisroof, wat van aanranding met die doel om ernstig te beseer of poging tot moord?

Maar druk ´n ou in ´n doodskis om hom skrik te maak sonder om hom aan te rand dan is dit poging tot moord en jare se tronkstraf.

Phil

Is daar iemand wat boekhou van hierdie aanvalle? Dit wil vir my voorkom of dit voor die verkiesing minder geraak het en nou na die verkiesing weer aan die toeneem is. Die polisie het net voor die verkiesing ook baie deurbrake en inhegtenisnemings gemaak, maar dit blyk nou weer aan die afneem te wees…

TLC

Phil presies my gedagte ook
Ek maak in die laaste tyd MM oop en lees net opskrifte want ek kan die gevalle nie meer hanteer nie
My kinders trek oor 2 weke na hul eie plek Ek sit dan alleen met 2 klein honde en drie katte
My huis is ook in die mark maar om 26 jaar se memory net agter te los is baie erg vir my en dan waarheen gaan ek Dan verskyn die berigte elke dag en ek krimp inmekaar
So bly julle lewe
Amen

James

Saak van huisroof? Vasbind..