Limpopo-polisie keer rowers in hul spore

Foto's: SAPD

Foto’s: SAPD

Die polisie in Limpopo het laat Dinsdagmiddag vyf verdagtes aangekeer terwyl hulle vermoedelik op pad was om ʼn gewapende roof uit te voer.

Kapt. Mamphaswa Seabi, polisiewoordvoerder, het gesê beamptes van die Magatle-polisie, suidoos van Mokopane, het inligting ontvang oor ʼn verdagte voertuig wat in die omgewing rondry.

“Die beamptes het met die hulp van die honde- en taktiese reaksie-eenheid reageer en die voertuig opgespoor,” het Seabi gesê. “Die verdagtes is in hegtenis geneem en die polisie het beslag gelê op twee vuurwapens, ammunisie, selfone en ʼn skootrekenaar.”

Seabi het gesê die verdagtes kan reeds verbind word met verskeie voorvalle van gewapende roof by winkels in Zebediela, Tinmyne en Mahwelereng.

Die verdagtes is almal van die Mahwelereng-omgewing en sal binnekort in die hof verskyn.

polisie limpopo rowers2

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.