Limpopo-skool aan die brand gesteek

Foto: SAPD, Limpopo

ʼn Brand is Vrydagoggend gestig in die administrasiegebou van Shondoni Secondary School in Vuwani buite Thohoyandou in Limpopo.

Brig. Motlafela Mojapelo, woordvoerder van die polisie, het gesê die brand is omstreeks 05:16 gesig. “Die polisie is na die toneel ontbied. Die skoolhoof is eerste in kennis gestel van die brand by die skool. Met die beamptes se aankoms by die toneel is die gebou reeds afgebrand.”

ʼn Voorlopige ondersoek dui daarop dat die verdagtes by die veiligheidshek van die gebou ingebreek en toe die brand gestig het. Die volgende eiendom is in die brand verwoes:
– vier rekenaars
– drukkers
– ʼn kluis
– staalkabinet
– alle slotte is ook beskadig.

“Die waarde van die eiendom wat beskadig is, insluitend die gebou, is ongeveer R1,2 miljoen. Die motief vir die voorval is nog nie bekend nie. Die polisie se ondersoek duur voort.”

Mojapelo het gesê niemand is nog in hegtenis geneem in verband met die voorval nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Gys

Bevestig weer Trump se stelling.

Catherine

Brand maar af. Belastingbetallers sal mos weer een bou….Ja nee….

Ada

Jy is reg Gys.Trump is 100% in die kol

humor

Geen probleem daars plek by Afrikaanse skole.

Nita

Mnr. Lesufi haas jouself na die Afrikaanse skool en druk die leerders daar in sodat daar 70 tot 80 kinders in n klas sit en geen effektiewe onderwys kan plaasvind nie. Wanneer en waar was n ruk gelede wie weet hoeveel skole afgebrand?? Die kinders wil nie skoolgaan nie want om te slaag moet jy baie hard werk en dis te veel moeite.