Lise Brink ‘reageer op musiek’

Danie Brink en sy vrou Lise.

Danie Brink en sy vrou Lise.

Lise Brink word steeds vir ʼn longinfeksie behandel en sal weer geopereer word sodra die infeksie onder beheer is.

Haar man is dr. Danie Brink, uitvoerende direkteur van Solidariteit Helpende Hand. Die egpaar en hul vyf kinders was op 16 Desember 2016 in ʼn ernstige motorongeluk. André (13) en Rachel (8) is in die ongeluk dood. ʼn Gedeelte van Lise se linkerbeen is reeds geamputeer na die ongeluk en haar galblaas is verwyder.

Dr. Dirk Hermann, voorsitter van die direksie van Solidariteit Helpende Hand en bestuurshoof van Solidariteit, wat as familiewoordvoerder optree, het aan Maroela Media gesê Lise word met Franse medikasie behandel vir die seldsame tipe longontsteking wat sy opgedoen het. “Lise se infeksietelling het die afgelope twee dae afgeneem. Ons is baie dankbaar daarvoor.”

Lise word in ‘n isolasiekamer in die intensiewesorg-afdeling van die Unitas-hospitaal behandel om haar blootstelling aan kieme verder te beperk. Volgens Hermann sal Lise se mediese span Dinsdag weer vergader om te besluit oor die pad vorentoe.

Hermann het gesê die familie is dankbaar vir die afgelope paar dae se verbetering in Lise se toestand. “Daar is al hoe meer tekens dat sy besig is om wakker te word. Danie het vir haar haar gunsteling kunstenaar, David Wesley, se liedjies gespeel. Hy kon sien sy geniet ‘In Christ alone’ en ‘Wonderful, Merciful Savior’. Ons harte is dankbaar vir elkeen wat haar dra in hul gebede. Moet asseblief nie ophou nie.”

Lise se verdowing word ook steeds verminder, om te kyk hoe sy reageer.

Lees alle vorige berigte oor die Brink-gesin op Maroela Media.

Volg die ondersteunersgroep op Facebook.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
*wondernet

Hoekom se dit in elke berig dat Andre en Rachel DOOD is, kan dit nie vervang word met oorlede.
Ek bid dat God die Brink gesin in sy hande sal dra!

billy

Ons God is GROOT

lw

Dis goeie nuus. Baie sterkte aan die gesin. Christus sal jul dra daar waar jul te swak is deur al hierdie trauma sedert 16 Desember.

DPJ

Mag die drie enige God julle ryklik vertroos en koester met die Heilige Gees sodat julle kan weet Hy is oral.

Yolanda

Dra jul op in ons gebede. Weet iemand of die twee kindertjies al begrawe is en Lise al weet van hul heengaan. Baie sterkte vir Danie en familie, dis so baie om te verwerk. Mag die Here julle daagliks dra en krag gee, ons bid vir julle en spoedige herstel vir Lise.