Lisensiekantoor-werker gepos oor rassistiese video

‘n Skermskoot uit die video.

Die Ekurhuleni-metro het ʼn amptenaar van die Bedfordview-lisensiekantoor in Johannesburg afgedank nadat hy op video vasgevang is waar hy rassistiese aanmerkings teenoor wit mense maak.

Die voorval het op 20 Mei by die lisensiekantoor plaasgevind en is op video vasgevang. Die amptenaar sê onder meer in die video hy haat wit mense.

Themba Gadebe, woordvoerder van die Ekurhuleni-metro, het gesê daar is onmiddellik met dissiplinêre stappe begin nadat hulle van die video bewus geraak het.

“Die amptenaar het versuim om ʼn wesenlike skriftelike voorlegging te doen oor hoekom sy kontrak nie beëindig moet word en die metro het gevolglik geen ander keuse gehad as om die werknemer met onmiddellike inwerkingtreding te ontslaan nie.”

Gavin Sharples, ʼn motiveringspreker, het vroeër verduidelik hy was die betrokke dag by die lisensiekantoor en het gesien hoe die amptenaar ʼn jong man wat daar was vir sy bestuurslisensie verkleineer het.

“Dit was baie rassisties, wreed en hartseer.” Volgens Sharples het hy ingegryp waarna die amptenaar aggressief begin raak en hom rassistiese aanmerkings toegesnou het.

Sharples het gesê die amptenaar het onder meer op die jong man geskree en aan hom gesê hy bewys hom ʼn guns om Engels te praat. Die amptenaar het glo ook vir die jong man gesê hy is dom. ʼn Ander lid van die publiek het intussen ʼn video begin maak nadat Sharples tussenbeide getree het.

In die video kan daar onder meer gehoor word hoe die amptenaar sê wit mense maak hom siek, dat hy nie van wit mense hou nie en dat hy wit mense haat.

Sharples het intussen ná afloop van die amptenaar se afdanking gesê dit was nie sy bedoeling dat die amptenaar sy werk verloor nie. Hy het wel die Ekurhuleni-metro geloof vir hul spoedige optrede in die saak.

Volgens berigte is daar al voorheen klagtes teen die betrokke amptenaar aanhangig gemaak.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

70 Kommentare

jongste oudste gewildste
Netso

En jy hoor nooit weer ñ haan kraai daarna nie. Maar draai nou net die velkleur om dan was dit 3 jaar tronkstraf.

Muffin

Laat hy gaan. Was dit andersom was daar nog n kriminele saak gemaak en nie net af betaal nie.

Buks Barnard

Waar is sy twee jaar tronkstraf?

Frank

Hierdie tipe dinge maak dat my draad al korter word!!

Sieg

Dit kan nie waar wees nie, hulle almal haat wittes. Nóóit sal ek dit glo nie.