Listeriose: Nog sterftes aangemeld

‘n Mikroskopiese blik op listeriose.

Die Nasionale Instituut vir Oordraagbare Siektes (Nios) het bevestig dat nog drie mense aan listeriose dood is.

Die dodetal staan nou op 183. In Gauteng is 98 mense aan listeriose dood, gevolg deur 29 in die Wes-Kaap, 11 in KwaZulu-Natal, tien in die Oos-Kaap, tien in Mpumalanga, agt in die Vrystaat, sewe in Limpopo, sewe in Noordwes en drie in die Noord-Kaap.

Volgens Nios is daar ʼn totaal van 967 gevalle van listeriose aangemeld sedert 1 Januarie 2017. Daar is 749 gevalle in 2017 en 218 gevalle in 2018 aangemeld. In 933 van die gevalle waar geslag aangedui is, was 56% vroue.

In die 930 van die 967 gevalle waar ouderdom aangemeld is, het die ouderdomme van geboorte tot 92 jaar gewissel. Altesaam 79 babas en sewe kinders tussen die ouderdomme van een en 14 jaar is dood; en 46 van die slagoffers was tussen 15 en 49 jaar oud, 23 tussen 50 en 64 jaar oud en 26 ouer as 65 jaar. Die ander twee oorledenes se ouderdom is onbekend.

Volgens Nios is die meeste gevalle in Gauteng aangemeld (59%), gevolg deur die Wes-Kaap (12%), en KwaZulu-Natal (7%). Nios het gesondheidsorgwerkers aangemoedig om bedag te wees op nuwe gevalle aangesien persone wat die afgelope paar weke verwerkte vleisprodukte geëet het nog simptome kan toon. Meer as 290 mense word steeds vir listeriose behandel.

Die Wêreldgesondheidsorganisasie het bevestig die uitbreking van listeriose in Suid-Afrika is die grootste wat nog ter wêreld aangeteken is. Die bron van die uitbreking is intussen geïdentifiseer as die Enterprise Foods-aanleg in Polokwane wat polonie, Weense worsies en kouevleissoorte vervaardig. Alle produksie is gestaak en alle Enterprise-produkte is onttrek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Bokkie

NIE NET VLEISPRODUKTE NIE< lekker om ENTERPRISE nou al die skuld te gee maar daar is al vegetariers ook dood aan listeriose. Hulle het dit selfs in SPANSPEK gekry . so asb tog . hou op die VLEISDROMMETJIE slaan, ja natuurlik hou op worsies en polony eet . dis die maklike gedeelte, maar onthou ook alle NIE GAAR produkte kan ook besmet wees.

KAS

Ek is tans nie meer seker of enige koue vleis vir menslike gebruik aanvaarbaar is nie.Is dit net Enterprise se produkte en Rainbow wat moet vermy word of is daar ander preodukte ook.Kan iemand meer inligting gee.

Lollie

Het die 79 baba’s ook Enterprise geeet? Ons land se probleem is higiëne! Voor 1994 was daar gesondheids inspekteure en jy kon nie kos van jou huis maak en verkoop voordat hulle nie kom inspeksie hou het nie. Waar is hulle deesdae? Op elke straathoek word kos gemaak en verkoop. Ou karavane wat uitmekaar val word ook gebruik. Rommel word oral opgemerk. Munisipaliteite doen nie meer hulle werk nie en vir weke lê almal se vullis op sypaadjies en vrot. In ons dorp word soveel water gemors want oral is pype wat bars en hulle is nie haastig om dit… Lees meer »

Pop

Mense sal aanhou doodgaan want as jy hospitaal toe gaan weier hulle om bloedtoetse te doen om te sien of jy dit het. Die blaam moet voor ons vrot mediese stelsel gele word. As iemand dit het is dit eenvoudig om te behandel.

LouE

Ek sou nie kon dink dat babas onder een jaar nou eintlik soveel polony eet nie? Is hulle seker dat hulle al die bronne opgespoor het? Is daar geen kruis kontaminasie met ander produkte nie?