Los die howe; skeur op ‘drakoniese wapenwet’

ammunisie-vuurwapenwet-vuurwapens

Die DA is sterk gekant teen die voorstel om selfverdediging as rede vir die besit van ʼn wapen te skrap. (Argieffoto: David Levêque/Unsplash)

Die DA het ʼn hernieude beroep op die minister polisie, Bheki Cele, asook die ANC gedoen om die “drakoniese” Wetsontwerp op Vuurwapenbeheer te laat vaar. Die wetsontwerp het onder meer ten doel om selfverdediging as rede om ʼn vuurwapen in Suid-Afrika te besit, ongeldig te laat verklaar.

Daar was die afgelope ruk groot kritiek op die voorgestelde wetgewing.

Andrew Whitfield, die DA se woordvoerder oor polisie, sê nou pleks daarvan om vir die howe te wag om ʼn besluit oor die kwessie te neem, moet die regering die wetsontwerp opskeur.

Pres. Cyril Ramaphosa het vroeër gesê dit sal aan die howe oorgelaat moet word om te besluit of Suid-Afrikaners selfverdediging mag aanvoer as rede om ʼn vuurwapen te besit.

“Die stelling dui op ʼn duidelike gebrek aan vertroue deur die president in die wetsontwerp. Die DA is van mening dat die regering nie agter die howe moet skuil nie. Die ANC moet sy siening oor die saak bekend maak sodat die publiek hom aanspreeklik kan hou vir die poging om hulle te ontneem van die grondwetlik beskermde reg om hulself en hul gesinne te beskerm,” sê Whitfield.

Die DA is sterk gekant teen die voorstel om selfverdediging as rede vir die besit van ʼn wapen te skrap.

“Met Suid-Afrika se hoë misdaadsyfer, maak hierdie drakoniese stuk wetgewing misdadigers selfs dapperder, terwyl dit die laaste linie van verdediging van wetsgehoorsame burgers wegneem.”

Meer as 65 000 Suid-Afrikaners het reeds die party se petisie teen die wetsontwerp onderteken.

“Hulle is wetsgehoorsame burgers wat weier om ontwapen te word en gedwing te word om staat te maak op ʼn polisiemag met te min personeel en te min hulpbronne wat misluk in die stryd teen misdaad,” sê Whitfield.

Hy sê om burgers te ontwapen in die huidige misdaadgeteisterde omstandighede is roekeloos en laat talle onskuldige burgers aan die genade van misdadigers oor.

“Die president en min. Cele moet die drakoniese vuurwapenwetsontwerp opskeur. Hulle het die mag om dit te doen. Die regering moet ophou om sy verantwoordelik op die howe oor te skuif. Suid-Afrikaners het hul gevoel jeens die wetsontwerp glashelder gemaak.”

Whitfield sê die regering en die polisie moet dit vir Suid-Afrikaners makliker maak om veilig te voel, nie moeiliker nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Persheks Adri ·

Hierdie gewysigde stupid wet moes in die 1ste plek nie eers opgekom het nie! Hoed, ons is meer bekwaam as jy of jou nuwe “wannabe rambo’s” om onsself te beskerm! Misdadigers kom eet nie koek of drink tee nie hulle wil ons vrouens en kinders verkrag en vermoor! Voetsek met die wet! Ek gaan nie ‘n krimineel word vir jou nie oor die vertraagde wet nie!

Wikkelwillie ·

Ek verwerp die voorgestelde wetsontwerp op die FCA 2021 in sy totaliteit. Die redes hiervoor is legio

Misdaad syfers en plaasmoorde sal die hoogte inskiet. Dalk pas dit die regering se agenda, maar dit is n skending van elke individu se mees basiese mensereg: die reg op lewe. In n land soos SA is die reg om jouself te verdedig on onderhandelbaar. In teendeel, dit is waar van enige land ter wêreld. Die regering kan burgers nie soos dit is beskerm nie, wat nou nog as artikel 13 wegval? Is dit deel van die regerende party se doelstellings?

Verder sal die limiet op die aantal vuurwapens wat deur n individu met sport of jagters status n verdere negatiewe uitwerking op die ekonomie hê. Veral wanneer die herlaai van eie ammunisie in ag geneem word. Der duisende werke en miljoene Rande is hier ter sprake. Die staat vorder miljoene der miljoene Rande in belasting in te danke aan vuurwapens, ammunisie, herlaai toerusting en dan ook inkomste belasting sowel as invoer en “luxury tax”.

Delene ·

Sal glad nie verbaas wees as die nuwe Wetgewing Vrydagmiddag deur gevoer is nie. Hoekom die skielike opskorting van beurtkrag op ‘n Vrydagmiddag? Waarom die skielike haas?

Johanncb ·

Die howe regeer lankal ons land met groot sukses! Kom ons wag op hul logiese uitspraak!

Francois Le Cochon ·

Maak dit eerder verpligtend dat almal bo 18 ‘n vuurwapen moet besit. Geen misdadiger sal dan sy/ haar vuurwapen uitruk nie, want dan is hy/sy in almal se visier.

Persheks Adri ·

Stem! Hoe kry ons daai wet verander terug na 18 toe in plaas van 21? My kind moet ook nou langer wag en sy’s bedonkie oor dit. Ja haar nuwe sê ding as sy kwaad is lol

Hennie ·

Ons sal onsself met alternatiewe bewapen as hierdie swape hierdie wet deurgevoer kry.

Dirk Mostert ·

My pistool is al in die vorige eeu ingehandig, maar ‘n inbreker in my huis is in vir ‘n onaangename verrassing.

Kanjynoumeer ·

Dankie Maroela Media! Julle gee ons darem kans om stoom af te blaas, want ek dink die meeste van ons voel al soos drukkokers/stoompotte.
Ramaphosa en sy kaders doen alles in hul vermoë om land en volk te vernietig.
Evkom het ons reeds in die donkerte.
Ons ekonomie in sy glory en die lys gaan aan en aan.
Hierdie hele spul is soos n weghardloop trein ens ons weet mos daar is nie meer treinspore nie!!!

Pietertjie ·

Die ANC is oorhaastig om ons van ons eiendom ontneem. Ons gaan vinniger van ons lewens ontneem word met die vuurwapen-wet as wat hulle die onteiening-wetgewing gaan deurvoer.

anko ·

Dit word verkiesingstyd. Alle beloftes moet asap afgehandel word om stemme te werf. Niks word ordentlik deur dink nie. Na die tyd is dit ‘n gemors.

Baardman ·

DA sit alweer die pot mis, dit gaan nie net oor die feit dat jy nie selfverdediging as rede mag aanvoer nie. Die ander wysigings is baie meer belangrik. Soos die beperkings van hoeveelheid wapens en ammo, asook die herlaai van ammunisie

Persheks Adri ·

Stem Baardman ek’t dit ook al ‘n paar keer genoem in ander berigte vir die van ons wat herlaai, kompetisies doen en die mense wat jag soos my man.

Danie ·

Die argument dat rowers dapperder raak omdat hulle weet daar is nie vuurwapens nie is heeltemal korrek en is lankal bewys tov moordenaars.
Moorde word gepleeg sonder dat moordenaars twee keer dink want die doodstraf was n uitstekende afskrikmiddel en die syfers bewys dit.
Dit is heerlik om in byv n land soos Botswana vakansie te hou want die inwoners daar sal glad nie moord as n opsie oorweeg nie want raai hoekom….
Maar net soos die armsalige gun free breinloses het diegene wat teen die doodstraf geskree en geskel het nie n idee gehad watter draak hulle loslaat nie.
En die nageslag sit met die gemors.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.