Los Sahpra om sy werk te doen, sê minister

Talle lede van die EFF het Vrydag na die Suid-Afrikaanse Reguleringsowerheid vir Gesondheidsprodukte (Sahpra) se kantore in Pretoria opgeruk. (Foto: EFF/Twitter)

Die waarnemende minister van gesondheid, Mmamoloko Kubayi-Ngubane, het ’n beroep op landsburgers gedoen om die Suid-Afrikaanse Reguleringsowerheid vir Gesondheidsprodukte (Sahpra) toe te laat om sy werk te doen.

Dié beroep volg nadat duisende lede van die EFF Vrydag na Sahpra se kantoor in Pretoria opgeruk het en aangedring het dat die gebruik van die Russiese Sputnik V-entstof teen Covid-19 sowel as Sinovac se entstof by die regering se entstofplan ingesluit word.

Sahpra weier egter om voor die druk van enige politieke party te swig.

“Sahpra kan nie toelaat dat politieke druk ʼn duidelike wetenskaplike benadering tot die goedkeuring van gesondheidsprodukte vertroebel terwyl die veiligheid van die publiek in gedrang kom nie. Dit sal ʼn hartseer dag in die land wees wanneer die reguleerder deur enige party ondermyn of beïnvloed word,” sê die reguleringsowerheid in ’n verklaring.

Die verklaring volg nadat “valse en ongegronde” bewerings oor prof. Helen Rees, raadsvoorsitter van Sahpra, geopper is en die EFF Vrydag op Rees se bedanking aangedring het.

(Argieffoto: Elmond Jiyane/GCIS)

“Sahpra fokus as deel van sy mandaat op die veiligheid en welstand van die publiek en geen entstof kan beskikbaar gestel word voordat dit aan hierdie regulatoriese vereistes voldoen nie,” benadruk die reguleringsowerheid.

Kubayi-Ngubane het intussen die “aanvalle” op Sahpra te leierskap as “teleurstellend en laakbaar” bestempel.

“Die regulerende stelsel van ons land moet nie gedwing word om weens enige politieke druk te buig nie, veral nie om die gebruik van entstowwe te magtig sonder dat die nodige prosesse gevolg word nie. Dit is gevaarlik en mag nie in die demokratiese Suid-Afrika toegelaat word nie,” het die minister gesê.

“Dit is jammer dat Sahpra die teiken van politieke partye word want dit bedreig die mandaat en gesag van die regulerende owerheid en kundiges wat die veiligheid van nuut ontwikkelde gesondheidsprodukte moet verseker.”

Die minister het voorts gesê die reguleerder het al telkemale die openbare prosesse uiteengesit wat gevolg moet word voordat enige entstof as deel van die regering se entstofprogram goedgekeur en geregistreer kan word.

“Dit kan nie gedoen word as daar geen duidelike inligting is oor die doeltreffendheid van produkte wat nie deur die reguleerder getoets is nie.”

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Nick

Hierdie klomp narre kry te veel ‘airtime’.
Dis tyd dat Malema vervolg word en in die tronk land vir al sy oortredings van die wet.
Van On Point tot VBS. Hy is besig om hierdie land se mense teen mekaar te draai. Hy soek anargie. Hy dink dan sal hy wegkom.

Jeff

Russian communist entstoffe vir rooi kommuniste gevolg deur Russian kommunis kickbacks. Communism 101 for FOOLS

Die Boerepompie

So weer eens kom daar niks vsn die wat die wet virbreek nie so dan kan ons ook mos 609 mens wees in ons ker …

Erik

Ek sal voorstel dat ons die Sputnik vaksine goedkeur vir die eksklusiewe gebruik deur slegs EFF lede… Malema kan voor in die ry val.

Sarel

Hoekom word dasr nie teen Malemma en sy gessnte opgetree nie.