LP’s begin werk aan konsepverslag oor onteiening

LP’s bespreek weer volgende week die konsepverslag oor grondonteiening. Foto: www.parliament.gov.za

Parlementslede het die konsepverslag begin bespreek wat handel oor of die eiendomsartikel in die Grondwet verander moet word om die staat toe te laat om grond sonder vergoeding te onteien.

Volgens die konsepverslag, wat aan die grondwetlike hersieningskomitee voorgelê is, het landwye openbare verhore “oorweldigende steun” vir die wysiging van artikel 25 van die Grondwet getoon.

“Die openbare verhore het getuig van oorweldigende steun vir die wysiging van die Grondwet en die onteiening van grond sonder vergoeding,” lui die konsepverslag.

Geskrewe voorleggings en sprekers wat na die parlement gekom het om hul mening te lug, was egter meestal teen die wysiging gekant.

Volgens die verslag was “net 449 522 van die voorleggings geldig” nadat die geheelgetal se inhoud ontleed is. Nadat “onverwante en dubbele voorleggings” van die ontleding uitgesluit is, het dit die getal van 630 609 afgebring na 449 522.

Volgens die konsepverslag was sowat 65% van die mense en instellings wat aan die komitee geskryf het, gekant teen die voorgestelde wysiging, nagenoeg 35% was ten gunste daarvan en 1% het nie ʼn bepaalde mening gehad nie.

LP’s kom weer volgende week byeen om verder aan die konsepverslag te werk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Koos

Gaan dit net oor landbougrond, of is huise in dorpe en stede ook ter sprake?
Ek besit 2 huise. Gaan net 1 onteien word omdat ek “geldgierig” is om 2 te besit, of gaan ek altwee verloor bloot omdat ek wit is?

marco polo

Nou hanteer hulle dit soos ‘n referendum, goeie genade!

Brutus

Valse verslag wat beweer die steun was oorweldigend, ons almal weet dit is net n skelm manier vir ANC om voort te gaan met onteining. Patetiese spul.

Ouwaas Koos

Nou het jul die Ouwaas verloor… 65% is teen die voorgestelde verandering van Art. 25 van die Grondwet maar daar is “oorweldigende steun vir die wysiging van Art. 25 van die Grondwet”???

Andre

n Konsepverslag om diefstal te wettig ? Politiek = Misdaad ?