LUR geskok oor pasiënte op bankies, vloere

Dr. Dhlomo saam met ‘n pasiënt. Foto: ANA.

Sibongiseni Dhlomo, KwaZulu-Natalse LUR vir gesondheid, het die naweek tydens ʼn verrassingsbesoek aan die Church of Scotland-hospitaal pasiënte wat op bankies en die vloer slaap by die hospitaal aangetref.

Dhlomo het Sondag gevolglik vir die hospitaal se bestuur opdrag gee om ʼn gepaste plek te soek vir pasiënte om te slaap wanneer hulle oornag moet wag vir vervoer om hulle na ander hospitale in Pietermaritzburg te neem.

ʼn Kankerpasiënt en meer as ʼn dosyn ma’s en kinders was onder dié wat gewag het.

“Ek is verras en kwaad dat die kwessie wat lank terug uitgestryk is nie uitgevoer is in die hospitaal nie. Dié pasiënte het hul huise verlaat en hierheen gekom.”

Hy het ook gesê dat hy nie beïndruk is met die higiëne in die hospitaal nie. “Ek het vandag vir mevrou Mamizi Mkhize gesien, sy het gevorderde kanker. Sy moet verdere behandeling by Greys-hospitaal ontvang. Ek het haar aangetref waar sy kniel op die bankie, want sy sê sy kan nie met haar pelvis op die sementvloer gaan sit nie.”

Dhlomo het gesê dit was duidelik dat sy die hele aand daar sou bly as hy nie daar aangekom het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
P.G Slabbert

Ek reken heelwat mense is verbaas; omrede hy verbaas is wat in die hospitale werklik aangaan!

PJC

Hoe skynheilig. ń Mens sou sweer hierdie ou weet nie hoekom alles in die land tot niet is nie.

Wilma

Dr waar was u al di jare. Dit wat jy gesien het gebeur nog ali jare ini nuwe SA

Spike

Ag fooitog lur. jy het jou mense so opgelei

LHS

As jy dink dit is erg, gaan besoek vir n slag jou staatshospitale. Vind sommer uit waarheen is die begrotingsgelde en indien van toepassing, betaal jou ontvangde deel terug.