LUR kap terug oor rassisme-klag

ANC-LUR Nancy Sihlwayi. Foto: www.ecprov.gov.za

ANC-LUR Nancy Sihlwayi. Foto: www.ecprov.gov.za

Nancy Sihlwayi, die regerende party se LUR van maatskaplike ontwikkeling in die Oos-Kaap, het met “skok en woede” gereageer nadat die DA ʼn klag van rassisme teen haar ingebring het.

Die DA het die Menseregtekommissie versoek om ondersoek in te stel na bewerings dat Sihlwayi personeel opdrag gegee het om kinders op grond van hul ras uit te sluit van ʼn jeugprogram wat die regering aangebied het. Slegs ses van die 200 kinders wat die program en kamp in September in Port Alfred bygewoon het, was wit.

Sihlwayi het in reaksie hierop die belangrikheid van regstellende aksie en swart bemagtiging beklemtoon as instrumente om die ongeregtighede van Suid-Afrika se apartheidverlede reg te stel. “Vir iemand met my agtergrond en ANC struggle-getuigskrifte is dit ʼn ernstige belediging aangesien ek my hele lewe gewy het aan die stryd teen rassisme en seksisme.”

Sihlwayi het egter die verteenwoordiging van kinders wat die kamp bygewoon het verdedig. “Volgens Statistiek Suid-Afrika is 70% van jong swart mense tussen die ouderdom van 14 en 35 werkloos. Ek gaan dus nie verskoning vra vir my aandrang dat die swart jeug, en spesifiek Afrikane, hoofsaaklik bedien en bemagtig moet word deur hierdie kampe nie.”

Sihlwayi het ook die DA daarvan beskuldig dat die party bekend is vir sy “rassistiese gedrag”. Sy het onder meer na die voorval verwys toe Dianne Kohler-Barnard ʼn inskrywing oor PW Botha op Facebook gedeel het.

Mmusi Maimane, leier van die DA, het ook onder Sihlwayi se tong deurgeloop. Volgens haar het Maimane sy siel verkoop om as front te dien vir die wit meesters onder die dekmantel van die “DA se swart leier”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Kaspaas

Ha ha tipies cANCer verdedig die feit dat sy n rassis is deur verdere rassistiese uitlatings. Obgelukkig sal die mense regte kommissie niks doen want hulle dans na die pype van hulle rassistiese meesters cANcer.

Viljoen

O so mag mens nou werk voor 16??? Sal graag wil weet want daar is baie jong mense wat graag n sakgeldjie wil verdien maar gehoor hulle mag nie werk voor 16 nie. Persentasie van die res wat werkloos is? Hoekom moet ons jeug en almal verantwoording doen vir goed waarmee ons niks tedoen gehad het nie? Wil voorkom of die fokus net verskuif na ons is een nasie na rasisties teenoor alle ander rasse…

GES

Die beste manier van verdedig is aanval. Wat net vir my lagwekkend is, is dat hulle alles probeer regverdig met die kwaad wat appartheid hulle sou aangedoen het. Eenmaal ‘n pateet altyd een…..

lc van deventer

Nancy wat het met Kolher gebeur ,sy is uit die party geskop gaan dieselfde met jou gebeur , nee jy gaan net n beter pos kry dit is mos hoe dit in die anc werk

Johan

Ons veg ongelukkig n’ verloor stryd met die CancER soos met Eskom, Soos met e-tol en die res van die sous trein brigade. 21 jaar later en apartheid word nog steeds blameer. Wat blameer hulle ons volgende voor, die drogue?