LUR veroordeel skoolboelies

skool klaskamer skoolhoof

Argieffoto

Sizakele Nkosi-Malobane, Gautengse LUR vir gemeenskapsveiligheid, het Vrydag gesê sy is besorg oor boelies en bendebedrywighede wat onderrig en leer voortdurend in skole ontwrig.

“Ek onderneem om verskeie skole in Gauteng te besoek om dwelmhandel op die skoolperseel te bekamp. Daar sal ook ʼn toename wees in sektorpolisiëring tydens spitstye by skole om die veiligheid van leerders te verseker,” het Nkosi-Malobane in ʼn verklaring gesê.

“Ek daag ouers en alle belanghebbendes uit om ook verantwoordelikheid te aanvaar en nie alles aan die polisie oor te laat nie. Dit is ons kinders en ons moet Ubuntu begin toepas – waar my kind jou kind is. Die patrolliebeweging sal ook versterk word en meer beamptes sal ontplooi word om saam met skoolbeheerliggame en hoofde te werk om dwelms en alkohol by skole uit te roei.”

Sy het Donderdag drie skole in Randburg besoek wat as problematies geïdentifiseer is, naamlik RW Fick Secondary School, St Barnabas College en Chris Botha Secondary School

Sy het leerlinge gemaan om nie enigiets te doen wat tot ingryping van wetstoepassers sal lei nie.

Nkosi-Malobane het met al 23 skoolhoofde en die leierskap van die gemeenskap vergader binne die betrokke gebied en hulle het hulself ook daartoe verbind om ʼn maatskaplike beweging te begin en ʼn dwelmondersteunersgroep op die been te bring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
plaatsie

Min?

Laat?

Wat dink jy?

Joe Olivier

Bring net die goeie ou lyfstraf terug. Dit het gewerk. Ek het miskien nie so gedink toe ek op skool was nie maar ek weet nou dat ek elke pak slae verdien het. En dit het my die volgende keer mooi laat dink voor ek stout wou wees.

Christa

Ek weet nie hoekom hulle eers bodder nie!! Die regering en plaaslike owerhede wag eers totdat wet en orde TOTAAL verval en DAN word hulle kamma wakker. ONS het NOOIT dwelms op skool geken nie – jy het so af en toe gehoor van dwelmhandelaars wat in Hillbrow gevang is en JARRE se tronkstraf opgelê is. Ek hoor by vriende dat dwelms deesdae by LAERSKOLE verkoop word!! ALMAL weet daarvan behalwe ons polisie en die skoolpersoneel – is dit nie snaaks nie?

zoom zoom

Afrikaanse skole wptd ook geboelie deur ons weet wie en dan is dit normaal

Ronel

Ek daag die minister uit om gerus na skole in die Vrystaat ok te kom kyk. Meer Kroonstad se skole. My kind was geboelie deur ‘n mede skolier. Ek het die hoof en departementshoof genader om hulp. Dis afgelag, want die kind wat geboelie het was ‘n eerste span rugby speler. Laaste dag van skool het my kind net mooi genoeg gehad en die kind met een hou teen die grond gehad. En nee my kind s nie die bakleierige tipe nie. Alhoewel hy swart gordel het, is dit juis waar geleer het om selfbeheersing toe te pas, maar genoeg… Lees meer »