Luukse hotel in Umhlanga brand

’n Brand het op die boonste verdieping van die Pearls of Umhlanga-hotel in Durban uitgebreek. (Foto: Shawn Herbst / Netcare 911)

’n Gedeelte van die Pearls of Umhlanga-hotel in KwaZulu-Natal het omstreeks 03:00 Maandag aan die brand geslaan.

Leigh-Ann Hollington, woordvoerder vir die hotel, sê die brand was tot ’n balkon beperk en het geen inwoners beïnvloed nie.

“Die hotel is egter as ’n voorsorgmaatreël ontruim.”

Volgens Shawn Herbst, woordvoerder vir Netcare 911, het beamptes van die eThekwini-nooddienste die brand geblus vóór dit die hoofgebou bereik het.

Hy sê die brand het vermoedelik by die pomp van die swem- en borrelbad op die boonste verdieping uitgebreek.

“’n Sekerheidsbeampte wat binne die gebou probeer het om die brand te blus, het ligte brandwonde opgedoen en rook ingeasem. Hy is op die toneel behandel en in ’n stabiele toestand na ’n hospitaal vervoer.

“Geen verdere beserings is aangemeld nie.”

Die eThekwini-nooddienste het nog nie op verdere navrae deur Maroela Media reageer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Sarel

Nog ‘n Brand….nog ‘n ondersoek….nog een sonder antwoorde…
Waar was die ” Luukse Hotel” se Veligheidmaatreels