ʼn 67-jarige man is Woensdagoggend dood in ʼn motor langs die R59 in Alberton aan die Oos-Rand aangetref.
Chitra Bodasing, woordvoerder van ER24, het gesê die man se motor is in die veld langs die pad naby die Michellelaan-afrit gevind.
“Die man is in die motor aangetref met al die deure gesluit. Paramedici moes toegang tot die man kry deur een van die ruite te breek,” het Bodasing gesê.
Die man was reeds dood toe hy ondersoek is. Hy het geen sigbare beserings gehad nie en daar word vermoed dat die man aan ʼn mediese toestand dood is.
ʼn Nadoodse ondersoek sal gedoen word om die oorsaak van sy dood te bepaal.