Die polisie in die Vrystaat is op soek na die familie van ’n vermoorde man, asook die verdagtes wat verantwoordelik is vir sy dood.
Konst. Kethabile Mofokeng, woordvoerder van die polisie, het gesê ’n saak van moord word ondersoek ná ’n man se lyk op 20 Desember 2016 by ’n gholfklub naby Klippan gevind is.
“Sy hande is agter sy rug vasgebind met ’n draad en sy keel is afgesny met ’n skerp voorwerp,” het Mofokeng gesê.
Die man se liggaam is steeds by die Welkom-staatslykshuis. “Gewoonlik word daar vingerafdrukke geneem en die familie of naasbestaandes só opgespoor; in dié geval was daar egter geen rekord van die man nie,” het Mofokeng aan Maroela Media gesê.
Hy het ’n blou broek, blou, wit en rooi strepieshemp en swart rubberstewels aangehad.
Die motief vir die moord is onbekend.
Die polisie het enige iemand met inligting oor die voorval of die oorledene se familie gevra om sers. Tsie Marlokotsi, die ondersoekbeampte, te kontak by 057 391 6240.
……sê net of dit ‘n wit if swart man is…..dit sal al klaar help. Regtig!!!!
Plaas maar n foto dan sal hy vinnig uitgeken word
Hehe! Ja Nee! Binnekort is dit ook net ‘n lyk, laat ons nie eens weet of dit man of vrou kind, middeljarig of oumens!? Sex, ouderdom en ras sal definatief makliker wees vir enige uitkenning! Elkeen kyk mos maar uit op sy eie!? Hoe dan anders!
Ons weet darem dis ‘n man….
Geen rekord van die man nie? Wel dan is dit mos eenvoudig, illegal immigrant. Begrawe hom maar as John Doe….
As daar geen rekord van die man is nie dan is seker logies dat over die fence die land ingekom het
Seker maar ‘n onwettige imigrant. Daarom geen fingerafdrukke beskikbaar nie.
Hoe de ongeluk moet mens nou probeer help as mens net mag weet dat die lyk manlik is?? 4-5-6 !