M-Net diskrimineer teen wittes – Solidariteit

M-Net

M-Net

Die vakbond Solidariteit het die betaalkanaal M-Net vandag daarvan beskuldig dat hy onbillik teen wit mense diskrimineer. Dit volg nadat M-Net in ʼn onlangse advertensie aangedui het dat slegs swart, Indiër en bruin kandidate vir ʼn betaalde internskapprogram by sy Magic in Motion Academy mag aansoek doen. Luidens die advertensie kan tot soveel as 20 individue in die program geakkommodeer word.

Volgens Dirk Groenewald, hoof van Solidariteit se Sentrum vir Billike Arbeidspraktyke, voldoen die advertensie nie aan die bepalings van die Wet op Diensbillikheid nie. “Die genoemde advertensie is niks anders as ’n absolute uitsluiting van wit mense nie en kom op ʼn kwotastselsel neer,” het Groenewald verduidelik. “Kwotastelsels word deur die genoemde wetgewing verbied. Die howe, insluitend die konstitusionele hof, het boonop reeds bevind dat die gebruik van ʼn kwotastelsel en die absolute uitsluiting van persone op grond van hul velkleur onregmatig is.”

Volgens hom het Solidariteit verskeie klagtes van wit kandidate ontvang wat aan die vereistes vir die internskap voldoen, maar wat weens hul velkleur nie vir die program mag aansoek doen nie.

“Solidariteit het M-Net in ’n skrywe vermaan om die advertensie sodanig te wysig dat wit mense ook vir die genoemde posisies mag aansoek doen. Indien M-Net nie aan ons versoek gehoor gee nie, sal ons ʼn amptelike klag by die Menseregtekommissie indien,” het Groenewald gesê.

Die vakbond het voorts ʼn beroep op die publiek gedoen om hul stem teen M-Net se rassistiese optrede te laat hoor deur ʼn petisie by www.solidariteit.co.za te onderteken. Solidariteit sal die petisiebrief aan M-Net se bestuur oorhandig.

Gaylyn Wingate-Pearse, woordvoerder vir M-Net, het intussen aan Maroela Media bevestig dat hulle die skrywe van Solidariteit ontvang het. “Ons bestudeer die inhoud van die brief en die meriete van die bewerings. Ons aanvanklike siening is dat dit moontlik gebaseer is op ‘n misverstand,” het Wingate-Pearse gesê. “Ons bestudeer en verifieer egter die brief in sy geheel en sal dan reageer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

68 Kommentare

jongste oudste gewildste
carel

Miskien moet ons witmense maar ophou om hulle te ondersteun??

Tiny du Preez

Dis nie asof mens veel mis om dit nie te hê nie.. Ek het reeds meer as ‘n jaar terug al die plug getrek op herhaal tv en hulle irriterende oor en oor promo’s…

Trots Afrikaans

Wel, as hulle nie hulle beleid verander nie is ek bereid om daad by woord te sit. Jy gaan nie my geld vat terwyl jy my kind se kos uit sy mond uit vat nie…..

Ek gaan sit solank my duimdruk op Sol se lys.

BUSFARK VAN PLETSEN

Ja ek ondersteen die veldtog om MNET TE BIOKOT SE NET WANNEER

Jan maak n Plan

dit is nie die eerste keer dat M-Net so iets aanvang nie. ‘n Paar jaar gelede het M-Net aandele aangebied om gekoop te word. Eksklosief vir almal – behalwe as jy wit is. My arbeiders het ‘n hele paar rand se aandele gekoop wat nogal geld ingebring het.