M-Net: ‘Ons glo ons het regte ding gedoen’

Gareth Cliff buite die hof. Foto: Getrude Makhafola/ANA

Gareth Cliff buite die hof. Foto: Getrude Makhafola/ANA

M-Net gaan Gareth Cliff weer aanstel as beoordelaar van Idols soos beveel deur die hooggeregshof in Johannesburg.

“As ʼn goeie korporatiewe burger wat die oppergesag van die reg respekteer, sal M-Net mnr. Cliff heraanstel as Idols-beoordelaar soos beveel deur die Suid-Gautengse hooggeregshof,” het Nondumiso Mabece, woordvoerder van M-Net, gesê. “Ons glo ons het die regte ding gedoen deur mnr. Cliff van die program te verwyder. Ons bly daartoe verbind om ons platforms te gebruik om by te dra tot ʼn verenigde Suid-Afrika.”

Regter Caroline Nicholls het Vrydag beslis ʼn kontrak bestaan tussen M-Net en Cliff en dat die betaalkanaal hom op ʼn tydelike basis weer moet aanstel. M-Net het in die hof aangevoer hulle het nie ʼn kontrak met Cliff nie, aangesien niks nog gefinaliseer is nie.

Wim Trengrove, SC, M-Net se regsverteenwoordiger, het aangevoer hoewel M-Net nie glo dat Cliff ʼn rassis is nie, het sy twiet ʼn massiewe reaksie ontlok en die indruk geskep dat hy ʼn rassis is. Volgens Trengrove het Cliff “die gesig van rassisme” geword.

Dali Mpofu, regsverteenwoordiger vir Cliff, het aangevoer ʼn kontrak het wel tussen M-Net en sy kliënt bestaan en M-Net het teen Cliff gediskrimineer omdat hy wit is.

Cliff sal na verwagting Saterdag ʼn mediakonferensie hou.

Lees alle vorige berigte oor Gareth Cliff op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

11 Kommentare

Poppie ·

MNET you keep telling yourself that you did the right thing to fire him. Miskien sal julle fabelagtige storietjie uiteindelik julle gewetens sus

Henri ·

Stem saam Poppie, een man het hulle in ‘n paar dae ‘n duur les geleer. Hoop ander (soos Zumacc) leer ook iets daaruit.

Jakoba ·

Mnet het homself aan rasisme skuldig gemaak deur Cliff te ontslaan. Hy is net ontslaan agv van sy velkleur, daar was niks rasisties aan wat hy gese het nie. mnet het dit as n goedkoop verskoning gebruik om van die laaste blanke ontslae te raak. Ek is lankal nie meer n mnet aanhanger nie. almal n spil rasiste

Maddox ·

Dit is dieselfde M-net wat nou die dag wittes geweier het vir ‘n internskap posisie. eers nadat daar druk op hulle gesit is , het hulle die reels verander om wittes toe te laat. Hoekom ondersteun blankes nog M-net?. Hulle is duidelik gekant teen wittes en uiters rasisties.

Jacoba ·

Lank reeds MOEG vir hul herhaling en keuses van programme vaarwel mnet

DPJ ·

Op die kort termyn gewen maar besils nie die lang termyn. Hy sal volgende jaar ‘n ander job moet soek. Gaan hy weer aanvoer MNET het hok permanent aangestel?

Neil ·

Suur druiwe Jacoba? As die spul Afrikaners wat Garreth so verag maar sy guts gehad het!

Berhalet Beukes ·

MNet… Dis nou ‘n goeie tyd om eerder net stil te bly!

Kaspaas ·

M Net dink…. Ek weet ek het die regte ding gedoen toe ek Netflix toe is baie baie beter

Elize ·

Die enigste een wat hier die gesig van rassisme was is Mnet self. Netflix is ook net betyds wettiglik in SA. Ek hoop jul kry wat jul kant toe kom.

Jacoba ·

Mnet en kollegas gaan ‘n goor houding teenoor enige werker openbaar wat. SO ‘n hofsaak teen hul wen. Ja om self te loop..en in ‘n gesonder DAMPKRING (atmosfeer) verder te werk is die beste vir siel en liggaam(al is salaries nie so majestueus)nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.