M-Net sê oor ‘diskriminasie teen wittes’

M-Net

M-Net

Die betaalkanaal M-Net het Donderdag gereageer op die beskuldig van die vakbond Solidariteit dat hy teen wit mense diskrimineer.

Solidariteit het M-Net daarvan beskuldig dat hy in ʼn onlangse advertensie aangedui het dat slegs swart, Indiër en bruin kandidate vir ʼn betaalde internskapprogram by sy Magic in Motion Academy mag aansoek doen en dat dit “niks anders is as ’n absolute uitsluiting van wit mense en op ʼn kwotastselsel neerkom”.

Yolisa Phahle, uitvoerende hoof van M-Net, het gesê die Magic in Motion Academy-internskapprogram is ʼn korporatiewe maatskaplike investeringsprogram. “Die internskapprogram gee potensiële kandidate van die aangewese groep die geleentheid om hul vaardighede te verseker ten einde op ʼn gelyke speelveld in die elektroniese media omgewing te kompeteer.”

Volgens Phahle het die program tot gevolg dat interns op gelyke voet met kandidate van die nie-aangewese groep kan kompeteer wanneer werkgeleenthede opduik. “Die doel van die program is om die poel van potensiële aansoekers te verhoog vir vakatures. In die verlede, wanneer ons werkgeleenthede in hierdie kategorie gehad het, was die poel om uit te kies beperk tot die nie-aangewese groepe. Hierdie program stel ons dus in staat om nie noodwendig die poel te verklein en enige potensiële aansoeke uit te sluit soos beweer word nie, maar om die poel waaruit ons kan kies te vergroot.”

Phahle het gesê daar word nie werkgeleenthede verseker vir diegene wat die internskapprogram voltooi nie. “Die wet vereis dat ons struikelblokke wat in die pad staan van werkers verwyder en deur middel van hierdie program verskaf ons aan die interns die kans op gelyke werkgeleenthede. Ons waardeer en respekteer die kommer wat in die brief van Solidariteit uitgespreek is en het aan hulle die geleentheid gebied om hierdie saak te bespreek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

70 Kommentare

jongste oudste gewildste
Trots Afrikaans

Klink vir my so biethie na ‘n Woolworths antwoord…

Anoniem

Praat in raaisels. Altyd nog verskonings.

Andre

Jou dade spreek gewoonlik harder as jou woorde. M-Net moet dit maar net in gedagte hou.

Cecilia

Wonder maar net wie, uit AL die groepe, betaal die gereeldste?

Theo

Totsiens Mnet….