Ma beken glo moord op haar dogter

Michelle Koekemoer. Foto: Facebook

Michelle Koekemoer. Foto: Facebook

Die ma van Michelle Koekemoer, die negejarige meisie wat in Junie dood aangetref is in ʼn woonstelblok in Vanderbijlpark, het glo aan die polisie erken sy het haar dogter vermoor.

Sers. Gertrude Makhale, woordvoerder van die polisie, het aan Maroela Media gesê Soniya Koekemoer (34) is Vrydag in hegtenis geneem nadat sy skuld beken het. ʼn Nadoodse ondersoek het getoon Michelle is verwurg.

Maroela Media het vroeër berig Michelle se liggaam is op 10 Junie in haar bed in haar slaapkamer gevind. Soniya het aanvanklik beweer sy het wakker geword met ʼn tou om haar nek en dadelik na haar dogter se kamer gegaan. Sy het gesê sy het Michelle se liggaam op haar bed aangetref, ook met ʼn tou om haar nek.

Soniya is kort daarna in hegtenis geneem nadat polisiebeamptes dagga in die woonstel gevind het, maar die aanklag is later weer teruggetrek.

Sy het Maandag in ʼn hof in Vanderbijlpark verskyn op aanklag van moord. Die saak is uitgestel en sy sal in polisie-aanhouding bly.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Se maar net

Het gedink sy het iets daarmee te doen.

Ronelle Nortje

Hoe op dees aarde in jou verstand as Moeder maak jy jou eie bloed dood,gelukkig het haar gewete haar gepla,maar dis n geskenk vir jou gegee deer ons Hemelse Vader om grt te maak tot Hy hle eendag weer kom haal,nou doen sy dit sommer self,wens jou net die ergste toe,want glo my jou gewete gaan jou pla,op verjaarsdae en kersfees en moedersdag,in die tronk moet hle nie simpatie met jou he nie,sies man

treurgrond

Treurgrond is net die naam – dit is ‘n Treurgrond waarop ons bly. Liewe Jesus ek vertrou U het vir Michelle Koekemoer in U arms my Jesus. Ek kan net nie dink aan die trauma waardeur Michelle gegaan het nie. Hoe kan ‘n ma net haar kind vermoor hoe Jesus, maar waar sy nou is is sy veilig veilig veilig. Amen

Theresa

Dis vreeslik hartseer.

Nella

Rus sag Michelle. Jy kan nie verder seer kry nie. xxx