Ma, dogter vas ná onderonsie met beamptes

EMPD-beamptes by die 28-jarige vrou se BMW. Foto: Verskaf

ʼn Ma en dogter is Maandag in Alberton aan die Oos-Rand in hegtenis geneem nadat die dogter vir ʼn beweerde spoedoortreding voorgekeer is en haar ma in ʼn onderonsie met metropolisiebeamptes was.

Volgens Kobeli Mokheseng, waarnemende woordvoerder van die Ekurhuleni-metropolisiediens (EMPD), is ʼn 28-jarige vrou in ʼn wit BMW 1-reeksmodel omstreeks 12:25 voorgekeer nadat sy glo 107 km/h in ʼn 70 km/h-sone gery het.

“Die vrou het uit haar motor geklim en daarop aangedring om die spoedlesing op die kamera te sien voor sy terug in haar motor geklim en die deure gesluit het.”

Volgens Mokheseng het die vrou se 49-jarige ma later op die toneel aangekom en in ʼn onderonsie met beamptes betrokke geraak. Die beamptes het bystand ontbied en lede van die Brackendowns-polisie het die ma en dogter in hegtenis geneem.

Die ma en dogter word onderskeidelik aangekla van roekelose en/of nalatige bestuur, verset teen inhegtenisneming en aanklagte rakende die versuim om inligting te verskaf en inmenging met beamptes wat aan diens is.

Die ma en dogter sal binnekort in die Palmridge-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

56 Kommentare

jongste oudste gewildste
Gert

Wat ‘n narreleland van onbevoegdes het ons nie geraak nie.

Bakleierig

Ja, dis mou wat gebeur as jy bakleierig wil raak…
Niemand van ons hou van die spietkops nie, maar as jy nou afgeteek word dan smile jy breed, jy is hoflik. As jy skuldig is vra jy om verskoning en van jou straf. As jy voel jy is onskuldig, dan doen jt dinge nogsteeds op m beskaafde manier.
….ma het kom baklei? (Vuisslaan) ag nee, hulle soek mos vir moeilikheid

Hansie

As jydie wet oortree is jy skuldig. Ek sien daagliks hoe die ma`s verby jaag omdat hulle laat is. Maar nou moet jy hoor as daar n noodlottige ongeluk is, dan wil almal weet waar was die verkeersmense

Boet

Die naam van die voertuig sê Al’s BMW dink mos hulle Kan maak soos hulle will en ry soos hulle wil kry vir julle

heksie

Nou praat jy sommer net nonsens!