Robert Daniels, woordvoerder van die provinsiale nooddienste, het gesê die skietery het omstreeks 09:00 in die Sweet Home Farm informele nedersetting in Philippi plaasgevind.
Daniels het gesê hulle vermoed sover nie dat die voorval met bendegeweld verband hou nie. “Iemand was vermoedelik besig om ʼn misdaad, waarskynlik ʼn rooftog, te pleeg, toe die ma en haar baba in die kruisvuur beland het,” het Daniels gesê.
Die ma is op die toneel dood. Die kind is in ʼn kritieke, maar stabiele toestand na die Rooikruis-kinderhospitaal geneem.
Niemand is nog in verband met die voorval in hegtenis geneem nie.
Onskuldige mense weereens beseer…hoe wreed…sterkte aan die babatjie wat nou sonder n mamma is….so so hartseer
Dit hou net nie op nie, waar is ons oppad heen……. Suid Afrika word alhoe meer erger….. Arma kindtjie nou moet sy sonder n mamma groot word, …..
Suid Afrika het in n kriminele nes ontaard