Ma dood in motor langs pad aangetref

Riana Louw Du Toit. Foto: Facebook.

Die gemeenskap van Sutherland en omliggende gebiede is in rou gedompel ná Riana Louw Du Toit se liggaam Dinsdagoggend in haar motor langs die R354 tussen Sutherland en Merweville aangetref is.

Maroela Media verneem ʼn man wat glo voorheen van verkragting aangekla is, het Du Toit glo vir ʼn rygeleentheid gevra en haar toe met ʼn klip aangeval.

Kapt. Olebogeng Tawana, woordvoerder van die polisie, het aan Maroela Media bevestig ʼn saak van moord word ondersoek.

Die man het glo boksies druiwe wat in Du Toit se motor was gesteel, en dit geloop en eet en langs die pad neergegooi, en dit het glo gehelp om hom vas te trek.

Tawana het bevestig ʼn 41-jarige man is in hegtenis geneem in verband met die moord. Hy sal Donderdag in die Sutherland-landdroshof verskyn op aanklag van moord.

Du Toit se man is glo ʼn paar jaar gelede oorlede. Sy word oorleef deur twee tieners wat in die Paarl in ʼn koshuis is.

Du Toit was die kliënteskakelbeampte by die Rogge Brood-restaurant op die Rogge Cloof-plaas.

Lente van Rooyen, ʼn inwoner van Merweville, het die voorval as ʼn absolute tragedie beskryf. “Hierdie was so onnodig! Ons vra God wat die doel was, maar ons sal nooit die antwoord weet nie!”

Huldeblyke vir Du Toit stroom intussen op sosiale media in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Rozanne

Die arme kinders het nognie eers hulle Pa se dood verwerk nie. Hoe sinneloos om twee sulke pragtige kinders “wees” te laat vir ‘n paar trossies druiwe ?? Mag hy kry wat hy verdien !!

Al

My hart gaan uit na haar familie.

Liza

Hierdie was onnodig maar nie God se doel.

Marinda

Tragies

Marinda

Sinneloos